ફરી દેશમાં ગુજરાતનો ડંકો: જાણો ઈઝ ઓફ ડુઈંગ બિઝનેસ રેન્કિંગમાં ટોપ અચીવર્સ 7 રાજ્યો

કેન્દ્ર સરકારના રેન્કિંગમાં ગુજરાત વધુ એક વાર અવ્વલ આવ્યું છે. કેન્દ્રિય નાણા મંત્રાલયે આંકડા જાહેર કર્યા છે, જેમાં ઈઝ ઓફ ડુઈંગ બિઝનેસ રેન્કિંગમાં ગુજરાત બીજા નંબરે આવ્યું છે. રાજ્યો વચ્ચે સ્પર્ધા વધે તે માટે કેન્દ્ર સરકારે BRAP 2020 યોજના હેઠળ રેન્કિંગ કર્યું હતું. ટોપ અચીવર્સ 7 રાજ્યોમાં ગુજરાત બીજા નંબરે આવતા તમામ ગુજરાતીઓ માટે ગૌરવની વાત છે.

છેલ્લી વખત સપ્ટેમ્બર 2020માં રેન્કિંગ બહાર પાડવામાં આવ્યું હતું. ત્યારે પણ આંધ્રપ્રદેશ ડૂડંગ વેપારના મામલે પ્રથમ ક્રમે હતું. તે પછી ઉત્તર પ્રદેશ, તેલંગાણા, મધ્યપ્રદેશ અને ઝારખંડનો નંબર આવે છે.

Assessment report of States/UTs under Business Reforms Action Plan (BRAP), 2020 released. A significant improvement in #EaseOfDoingBusiness across the country.#IndiaMeansBusiness #BRAP2020 pic.twitter.com/LP4J5dCQ1l

— EODB India (@EODB_India) June 30, 2022

રેન્કિંગ કયા માપદંડ પર આધારિત છે?
તેનો ઉદ્દેશ રાજ્યો વચ્ચે સ્પર્ધાને પ્રોત્સાહન આપવાનો છે અને સ્થાનિક અને આંતરરાષ્ટ્રીય સ્પર્ધકો માટે એકંદર બિઝનેસ વાતાવરણમાં સુધારો કરવાનો છે, જેથી રોકાણકારોને આકર્ષી શકાય. જે પરિમાણો પર રેન્કિંગ આધારિત છે તેમાં બાંધકામ પરવાનગી, મજૂર નિયમન, પર્યાવરણીય નોંધણી, માહિતીની ઍક્સેસ, જમીનની ઉપલબ્ધતા અને સિંગલ વિન્ડો સિસ્ટમનો સમાવેશ થાય છે.

તાજેતરમાં વડાપ્રધાન નરેન્દ્ર મોદીએ કહ્યું હતું કે છેલ્લા 8 વર્ષમાં સરકારે જૂના કાયદાઓને દૂર કરવા જેવા ઘણા સુધારાના પગલાં લાગુ કર્યા છે. તેમણે કહ્યું હતું કે દેશમાં વ્યવસાયને સરળ બનાવવા માટે ઘણા પગલાં લેવામાં આવ્યા છે. તેમણે ટ્વીટ કર્યું કે 'રિફોર્મ, પરફોર્મ અને ટ્રાન્સફોર્મ'ના સિદ્ધાંતથી પ્રેરિત થઈને સરકારે ઘણા પગલાં લીધા છે, જેના કારણે વેપાર કરવાની સરળતા થઈ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube