ગણેશ વિસર્જન માટે ગુજરાત પોલીસનો નવતર પ્રયોગ, જાણો શુ છે નવો આઇડિયા

પંડાલમાં જ વિસર્જનનો અનોખો આઇડિયા 
અમદાવાદમાં દર વર્ષે હજારોની સંખ્યામાં ગણેશ મહોત્સવનું આયોજન થાય છે. અને વિસર્જન સમયે મોટી મોટી પીઓપીની મુર્તિઓનું વિસર્જન સાબરમતી નદીમાં કરવામાં આવે છે. જેના પગલે પાણી પ્રદુષણ થવાની સાથે સાથે શહેરમાં ટ્રાફિકની સમસ્યા પણ સર્જાય છે. સાથે વિસર્જન સમયે મોટી મુર્તિઓના વિસર્જન માટે તંત્રએ ક્રેનની પણ વ્યવસ્થા કરવી પડે છે. જેને લઈ પોલીસે આ વર્ષથી નવા પ્રયોગ સાથે ધાર્મિક મહાત્મય જળવાઈ રહે તે હેતુથી સ્થળ વિસર્જનનો મેસેજ લોકો સુધી પહોંચાડ્યો છે.

 
આયોજકો પણ આપશે સહકાર
ગણેશ મહોત્સવની ઉજવણીના મહત્વ સાથે લોકોમાં ઈકો ફ્રેન્ડલી ગણેશજીની સ્થાપનાની જાગૃતિતો આવી જ છે. પરંતુ ગણેશ પંડાલોના આયોજકોએ પણ નદીમાં થતું પ્રદુષણ રોકવા જાગૃત થવું પડશે એ વાત પણ નિશ્ચિત છે, અને એટલે જ પોલીસના આ નવતર પ્રયોગમાં વધુને વધુ પંડાલ આયોજકો સ્થળ વિસર્જનમાં સહકાર આપવા માટે અમદાવાદ પોલીસે અપીલ કરી છે.