Gujarat Weather Update: અંબાલાલ પટેલે જણાવ્યું છેકે, બંગાળની ખાડીમાં બનેલા ડીપ ડિપ્રેશનનો ઘેરાવો મોટો છે અને તેના કારણે ગુજરાતના વાતાવરણમાં તેની મોટી અસર જોવા મળશે. ખાસ કરીને આ ડિપડિપ્રેશનના કારણે ગુજરાતના વિવિધ ભાગોમાં ભારે વરસાદ થઈ શકે છે. આ સાથે આ સિસ્ટમની અસર આડકતરી રીતે ગુજરાત પર પણ થવાની શક્યતાઓ તેમણે વ્યક્ત કરી છે. એટલું જ નહીં ભારે વરસાદને કારણે ગુજરાતમાં સ્થિતિ વણસી શકે છે. ત્યાર બાદ આગામી સમયમાં ગુજરાત પર ચક્રવાતનો ખતરો પણ મંડરાઈ રહ્યો છે. ગુજરાત પર ભારે વરસાદ, પુર, ભુક્કા કાઢી નાંખે એવી ગરમી, વાવાઝોડું અને ચક્રવાત આ બધા જ સંકટ તોળાઈ રહ્યાં છે તેવું અંબાલાલ પટેલે જણાવ્યું છે.
ગુજરાતમાં પુર આવી શકે છે?
આગાહીકાર અંબાલાલ પટેલે જણાવ્યું છેકે, મધ્યપ્રદેશમાં ભારે વરસાદ થવાની શક્યતાઓને જોતા તેમણે નર્મદા નદીના જળસ્તરમાં વધારો થવાની શક્યતાઓ વ્યક્ત કરી છે જેના કારણે સરદાર સરોવર ડેમનું જળ સ્તર ખાસ્સું વધવાની શક્યતાઓ છે તેવું અંબાલાલનું માનવું છે. આ સિવાય તેમણે તાપી અને નર્મદા નદી પણ બે કાંઠે થવાની શક્યતાઓ વ્યક્ત કરી છે. આ સિવાય તેમણે ઉત્તરભારતમાં પણ ભારે વરસાદના કારણે પૂર જેવી સ્થિતિનું નિર્માણ થવાની સંભાવનાઓ વ્યક્ત કરી છે.
ગુજરાતમાં ગમે ત્યારે આવી શકે છે ચક્રવાતઃ
અંબાલાલ પટેલે જણાવ્યું છેકે, બિપોરજોય ગયું પણ ગુજરાત પર એના જેવા જ બીજા સંકટોના વાદળો ઘેરાઈ રહ્યાં છે. ઓક્ટોમ્બર અને નવેમ્બર માસમાં ચક્રવાતોનું પ્રમાણ વધશે. 17થી 20 ઓક્ટોબર દરમિયાન ચક્રવાતો વધશે અને ડિસેમ્બર સુધી ચક્રવાતોની અસર રહી શકે છે.
ભુક્કા કાઢી નાંખે એવી ગરમી પડશે?
અંબાલાલ પટેલે જણાવ્યું છેકે, ઓગસ્ટમાં ગરમીની શરુઆત થઈ જશે પરંતુ 13 સપ્ટેમ્બરથી 23મી ઓક્ટોબર સુધી ગરમી રહેવાની શક્યતાઓ છે. નવેમ્બરમાં પણ ગરમી રહેવાની શક્યતાઓ છે.
આજે ક્યાં ક્યાં વરસાદ થશે?
આગાહીકાર અંબાલાલ પટેલે જણાવ્યું છેકે, આજે એટલેકે, તારીખ 6 ઓગસ્ટના રોજ વાતાવરણમાં મોટો બદલાવ થઈ શકે છે. ખાસ કરીને બંગાળની ખાડીમાં સર્જાયેલાં ડિપડિપ્રેશનને પગલે વાતાવરણ વરસાદી બની શકે છે. ગુજરાતના ભિન્ન-ભિન્ન ભાગોમાં વરસાદ થવાની શક્યતાઓ રહેલી છે. કેટલાક ભાગોમાં ભારે વરસાદ થઈ શકે છે. ખાસ કરીને રાજ્યના અરવલ્લી, સાબરકાંઠા, બનાસકાંઠાના કેટલાક ભાગોમાં ભારે વરસાદની શક્યતાઓ છે. આ ઉપરાંત રાજ્યના પંચમહાલ, વડોદરા, આહવા, ડાંગ, વલસાડમાં પણ ભારે વરસાદ થવાની શક્યતાઓ છે. આ ઉપરાંત અમદાવાદ, ગાંધીનગર, મહેસાણા, સૌરાષ્ટ્રના કેટલાંક ભાગોમાં પણ વરસાદી માહોલ રહેશે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે