Gujarat Day 2023: 1 મેનો દિવસ દરેક ગુજરાતી ભાષી માટે વિશેષ મહત્વ ધરાવે છે, કારણ કે આ દિવસે ગુજરાત ભારતના નકશા પર ઉભરી આવ્યું હતું. બ્રિટિશ શાસનથી ભારતની આઝાદી સમયે, આ પ્રદેશ બોમ્બે સ્ટેટનો એક ભાગ હતો. બોમ્બે પુનર્ગઠન કાયદો ભારતીય સંસદ દ્વારા પસાર કરવામાં આવ્યો હતો. ત્યારબાદ આ કાયદા હેઠળ બે નવા રાજ્યો મહારાષ્ટ્ર અને ગુજરાત અસ્તિત્વમાં આવ્યા. જ્યારે મહારાષ્ટ્રની રચના 1 મે 1960ના રોજ થઈ હતી, ત્યારે ગુજરાત એક દિવસ પછી 2 મે 1960ના રોજ અસ્તિત્વમાં આવ્યું હતું. જો કે, સર્વાનુમતે નિર્ણય લેવાયો હતો કે મહારાષ્ટ્ર દિવસની સાથે સાથે ગુજરાત દિવસ પણ 1 મેના રોજ જ ઉજવવામાં આવશે. ચાલો આ સંદર્ભમાં કેટલીક રસપ્રદ અને માહિતીપ્રદ બાબતો જાણીએ.
ગુજરાત દિવસનો ઈતિહાસ!
ગુજરાત રાજ્યનું જે સ્વરૂપ આજે ભારતના નકશા પર દેખાય છે, તે આઝાદી સમયે અસ્તિત્વમાં ન હતું. તે બોમ્બે સ્ટેટનો એક ભાગ હતો, જેમાં આજના ગુજરાત અને મહારાષ્ટ્રનો સમાવેશ થતો હતો, પરંતુ ગુજરાતી અને મરાઠી બોલનારા વચ્ચે ભાષા અને સંસ્કૃતિના તફાવતો હતા. 1950થી મરાઠી અને ગુજરાતી ભાષીઓએ અલગ રાજ્યની માંગણી કરી હતી. જ્યારે આ માંગ એક લોહિયાળ સંઘર્ષમાં પરિવર્તિત થવા લાગી, ત્યારે 1 મે 1960 ના રોજ, કેન્દ્ર સરકારે બોમ્બેને ભાષા, પ્રદેશ અને સંસ્કૃતિના આધારે બે અલગ અલગ રાજ્યો મહારાષ્ટ્ર અને ગુજરાતમાં વિભાજિત કર્યું, અને બંનેને સ્વતંત્ર રાજ્યો તરીકે જાહેર કરવામાં આવ્યા. સૌરાષ્ટ્ર, કચ્છ અને અમદાવાદ સહિત ભૂતપૂર્વ બોમ્બે રાજ્યના ગુજરાતી ભાષા-પ્રભુત્વ ધરાવતા વિસ્તારોને એક કરીને નવા ગુજરાત રાજ્ય તરીકે ઓળખ આપવામાં આવી.
આ પણ વાંચો:
બોલિવૂડ સુપર સ્ટાર અક્ષય કુમારે UAEમાં નિર્માણાધીન BAPS હિંદુ મંદિરની લીધી મુલાકાત
જાણો એપ્રિલ મહિનાનો છેલ્લો દિવસ તમામ રાશિના જાતકો માટે કેવો રહેશે
વસ્તી વધારવા ચીનનો નવો પેતરો! બાળકો પેદા કરવા મહિલાઓ માટે લાગુ કરાયો વિચિત્ર નિયમ
ગુજરાત દિવસનું મહત્વ
ગુજરાત દિવસ, જેને 'ગુજરાત ગૌરવ દિવસ' તરીકે પણ ઓળખવામાં આવે છે, તે ગુજરાતી ભાષી લોકો માટે ખૂબ જ મહત્વપૂર્ણ દિવસ છે. આ દિવસે, 1 મે, 1960 ના રોજ, દ્વિભાષી રાજ્ય બોમ્બેના વિભાજન પછી બંધારણીય રીતે ગુજરાત રાજ્યની રચના કરવામાં આવી હતી. ગુજરાતમાં આ ખાસ દિવસ ખૂબ જ ઉત્સાહ સાથે ઉજવવામાં આવે છે. આ રાજ્યે મહાત્મા ગાંધી, સરદાર વલ્લભભાઈ પટેલ અને મોરારજી દેસાઈ જેવા અનેક મહાન નેતાઓ આપ્યા, જેમણે દેશને આઝાદી અપાવવામાં મહત્વની ભૂમિકા ભજવી. ગુજરાત ભારતના સૌથી વધુ ઔદ્યોગિક રીતે અદ્યતન રાજ્યોમાંનું એક છે, જેણે ભારતીય અર્થતંત્રના વિકાસમાં નોંધપાત્ર યોગદાન આપ્યું છે.
ગુજરાત ગૌરવ દિવસ એક ઉત્સવ!
ગુજરાત દિવસ વાસ્તવમાં એક એવા રાજ્યનો જન્મ દર્શાવે છે જે વારસો, પરંપરાઓ અને રિવાજોથી સમૃદ્ધ છે. સમગ્ર ગુજરાતમાં આ દિવસ ખૂબ જ ઉત્સાહ અને ઉમંગ સાથે ઉજવવામાં આવે છે. આ દિવસ સમગ્ર ગુજરાતમાં વિવિધ સાંસ્કૃતિક કાર્યક્રમો, રેલીઓ, પ્રદર્શનો, ચર્ચાઓ થાય છે જે ગુજરાતની અનન્ય સંસ્કૃતિ અને વિવિધતા દર્શાવે છે. ઉત્સવની શરૂઆત રાજ્યનો ધ્વજ લહેરાવીને કરવામાં આવે છે, ત્યારબાદ રાજ્યગીત 'જય જય ગરવી ગુજરાત' ગાવામાં આવે છે. ગુજરાતની શેરીઓ રંગબેરંગી લાઈટોથી શણગારવામાં આવી છે. આ દિવસે ઘણી જગ્યાએ આતશબાજી પણ કરવામાં આવે છે.
આ પણ વાંચો:
આટલા દિવસે પાણીની બોટલ સાફ નહીં કરો તો પડશો બીમાર, જાણો બોટલ સાફ કરવાની રીત
ફ્રીજમાં મુકેલી ડુંગળી ખાતા ચેતી જજો! એવી બીમારી લાગશે કે ડોક્ટર પણ નહીં પકડે હાથ
શું તમે પણ ઘર ખરીદવાનું વિચારી રહ્યાં છો? તો આ 5 ડોક્યૂમેન્ટ ચેક કરવાનું ના ભૂલતા
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે