Gujarat Government : દાદાની સરકારને એક વર્ષ પુર્ણ થયું. 156 સીટ સાથે ગુજરાતમાં ભુપેન્દ્ર પટેલની સરકાર બની હતી. ત્યારે મુખ્યમંત્રી ભુપેન્દ્ર પટેલે પોતાના સરકારની સિધ્ધીઓ ગણાવતી પોસ્ટ કરી છે. ગુજરાતના નાગરિકોની સેવામાં આજે વર્તમાન રાજ્ય સરકારને એક વર્ષ પૂર્ણ થયું. વડાપ્રધાન નરેન્દ્ર મોદીના દિશાદર્શનમાં ગત એક વર્ષમાં ગુજરાત સરકારે સમાજના પ્રત્યેક વર્ગના ઉત્કર્ષ માટે અને રાજ્યના સર્વાંગીણ, સર્વસ્પર્શી વિકાસ માટે નિષ્ઠાપૂર્ણ પ્રયાસો હાથ ધર્યા.
એક વર્ષનું સરવૈયું
આયુષ્માન કાર્ડ હેઠળ રૂ. 10 લાખ સુધીની નિ:શુલ્ક આરોગ્ય સારવાર હોય કે શ્રમિક અન્નપૂર્ણા યોજના હેઠળ શ્રમિક ભાઈબહેનોને રૂ. 5 માં ભરપેટ પૌષ્ટિક ભોજન આપવાની વાત હોય, સરકારે પ્રત્યેક નિર્ણય ગરીબ-વંચિત પરિવારોના હિતને કેન્દ્રમાં રાખીને કર્યા. ગત એક વર્ષમાં સેમીકન્ડક્ટર, ઈવી, ગ્રીન હાઈડ્રોજન, બાયોટેક્નોલોજી સહિતના ન્યૂ-એજ સેક્ટર્સમાં ગુજરાતે ઉદાહરણીય પહેલ કરી. તેવી જ રીતે, "બેક ટુ બેઝિક્સ" ના મંત્ર સાથે પ્રાકૃતિક ખેતી અને શ્રીઅન્નનો વ્યાપ વધારવાની દિશામાં આપણે તેજ ગતિથી આગળ વધ્યા. G20 ની મહત્ત્વની બેઠકોનું સફળતાપૂર્વક આયોજન તેમજ વાઈબ્રન્ટ ગુજરાત સમિટના 20 વર્ષની 'સમિટ ઑફ સક્સેસ' તરીકે ઉજવણી કરીને દેશ અને દુનિયાનું ધ્યાન આપણે ગુજરાત તરફ આકર્ષિત કર્યું.
ગત એક વર્ષ ગુજરાતની અવિરત પ્રગતિનું વર્ષ બની રહ્યું. માનનીય પ્રધાનમંત્રી શ્રી નરેન્દ્રભાઈ મોદીના માર્ગદર્શનમાં આ એક વર્ષમાં વિકાસના મોડલ સ્ટેટ તરીકેની ગુજરાતની સફરની એક ઝલક.. pic.twitter.com/vW4Sy0BtTm
— Bhupendra Patel (@Bhupendrapbjp) December 12, 2023
તેમણે ટ્વીટમાં કહ્યું કે, પ્રધાનમંત્રીએ આઝાદીના અમૃતકાળમાં વિકસિત ભારતના નિર્માણનું લક્ષ્ય રાખ્યું છે ત્યારે આવનાર સમયમાં આ લક્ષ્યને સિદ્ધ કરવામાં વિકસિત ગુજરાતના નિર્માણ થકી આપણે શ્રેષ્ઠ યોગદાન આપીશું તેવો મને વિશ્વાસ છે.
મુખ્યમંત્રીના એક વર્ષના સુશાસનની સિદ્ધિઓ
આજના દિવસે બની હતી સરકાર
ગુજરાત રાજ્યની કમાન હાથમાં લેનારા દાદાની સરકારનું એક વર્ષ પૂર્ણ થયુ છે. એ દિવસ હતો 12 ડિસેમ્બર 2022નો, જ્યારે દાદાના હુલામણા નામથી ઓળખાતા ભૂપેન્દ્ર પટેલે ગુજરાતમાં મુખ્યમંત્રી તરીકે બીજી વખત શપથ લીધા. ગુજરાતની જનતાએ પહેલી ટર્મમાં દાદાની સરકારનું કામ જોયું અને તેમની સાદગી જોઈ. એના જ પરિણામ સ્વરૂપે વર્ષ 2022ની વિધાનસભા ચૂંટણીમાં દાદાની સરકારને જનતાએ 156 બેઠકો આપીને પ્રચંડ બહુમતી સાથે સત્તા સોંપી. ગુજરાતની જનતાએ એ વાત ઉપર પણ મહોર મારી કે દાદાને ગુજરાતના કેપ્ટન બનાવવાનો પ્રધાનમંત્રી નરેન્દ્ર મોદીનો નિર્ણય ખૂબ જ વિચારીને લેવાયેલો નિર્ણય હતો. PM મોદીના નિર્ણય પર ખરા ઉતરતા મૃદુ અને મક્કમ વ્યક્તિત્વ ધરાવતા મુખ્યમંત્રી ભૂપેન્દ્ર પટેલે લોકોના માનસ પટલ પર એવો પ્રભાવ છોડ્યો કે કોંગ્રેસ માત્ર 17 બેઠકોમાં સમેટાઈ ગઈ. 12 ડિસેમ્બર 2022ના દિવસે મુખ્યમંત્રી તરીકે શપથ લીધા બાદ ભૂપેન્દ્ર પટેલે 1 વર્ષમાં જ એટલી સિદ્ધિઓ હાંસલ કરી છે કે તેને ગણવી મુશ્કેલ છે. તો દાદાની સરકારના 1 વર્ષના સુશાસનમાં જોઈએ મુખ્યમંત્રીના નેતૃત્વમાં ગુજરાતની વિકાસયાત્રાની 12 મહિનાની 12 જવંલત સિદ્ધિઓને.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે