ગુજરાતમાં ભાજપની બાદશાહત પણ આ પરિણામોએ વધાર્યું ટેન્શન, કોંગ્રેસ પ્લસમાં રહી

આ આગાહી જાણી ચોંકી ના જતા! આ વિસ્તારોમાં આફત બનીને વરસશે મેઘો, જાણો અંબાલાલની આગાહી

ગુજરાતમાં, સ્થાનિક સંસ્થા (Gujarat Civic byPolls) ની ખાલી પડેલી બેઠકો માટેની પેટાચૂંટણીમાં ભાજપે જીત મેળવી છે. 18 નગરપાલિકાની 29 બેઠકો અને મહાનગરપાલિકાની એક બેઠક માટે પેટાચૂંટણી યોજાઈ હતી. આમાં ભાજપે કુલ 30માંથી 21 બેઠકો જીતી છે. આ ચૂંટણીઓમાં કોંગ્રેસને 8 બેઠકો મળી છે, જ્યારે આમ આદમી પાર્ટીને એક પણ બેઠક મળી શકી નથી. આમ આદમી પાર્ટીનું ખાતું પણ ખૂલ્યું નથી. ચૂંટણી પરિણામો અનુસાર એક બેઠક અપક્ષ ઉમેદવારને આપવામાં આવી છે. ગુજરાતમાં આ 30 બેઠકો માટે 6 ઓગસ્ટે મતદાન થયું હતું. ભલે ભાજપ આ બાબતની વાહવાહી કરી રહ્યો છે પણ એ વાત એટલી સાચી છે કે સામાન્ય ચૂંટણીમાં 91 ટકા સીટ જીતનાર ભાજપને પેટાચૂંટણીમાં માત્ર 70 ટકા સીટો મળી છે. કોંગ્રેસ પાસે આમાંથી માત્ર 5 સીટો હતી. જેમાં 3 સીટોમાં વધારો થયો છે. 

તમે જાણો છો Congressએ અત્યાર સુધી અદાણીને શું આપ્યું? સ્મૃતિ ઈરાનીએ સંસદમાં આપી વિગત

ભાજપને ઉત્તર ગુજરાતમાં ઝટકો લાગ્યો છે અને શક્તિસિંહ ગોહિલના હોમટાઉન પાલિતાણામાં 5માંથી ભાજપને 2 અને કોંગ્રેસને 3 સીટો મળી છે. ભાજપ 156 સીટો પર વિજેતા બન્યા બાદ રાજ્યમાં ભાજપનું વર્ચસ્વ વધ્યું છે અને ભાજપ લોકસભાની ચૂંટણીમાં 26માંથી 26 બેઠકો જીતવાના દાવાઓ કરી રહ્યું છે પણ આ પેટા ચૂંટણીના પરિણામોએ કોંગ્રેસ માટે ફરી આશાનું કિરણ પેદા કર્યું છે.  

રાહુલ ગાંધીએ સંસદમાં આપી ફ્લાઈંગ કિસ? અનેક મહિલા સાંસદોએ સ્પીકરને કરી ફરિયાદ, Video

ભાજપનો દબદબો રહ્યો 
રાજ્યની કુલ 30 બેઠકોમાંથી ભાજપે 21 બેઠકો જીતી છે, જ્યારે સુરત મહાનગરપાલિકાની એકમાત્ર બેઠક પર પણ ભાજપનો વિજય થયો છે. ગોધરાની એકમાત્ર બેઠક પણ ભાજપે જીતી છે. અમદાવાદની બારેજા બેઠક પર પણ ભાજપનો વિજય થયો છે, જોકે આણંદ નગરપાલિકામાં કોંગ્રેસે એક બેઠક જીતી છે. આ ઉપરાંત અરવલ્લી જિલ્લાના મોડાસામાં, બનાસકાંઠા જિલ્લાની ડીસા નગરપાલિકા અને પાલનપુર નગરપાલિકામાં કોંગ્રેસે એક-એક બેઠક જીતી છે. આ રીતે પાર્ટીને 30માંથી કુલ આઠ સીટો મળી છે. આમ ઉત્તર ગુજરાતની બેઠકોમાં કોંગ્રેસે દબદબો જાળવી રાખ્યો છે. 

સુરત મનપાએ રોગચાળામાં પણ રોકડી કરી; આ સ્ત્રોત બન્યા આવકનું સાધન, અધધ...કરોડ કમાયા!

પાલિતાણામાં કોંગ્રેસની જીત
ભાવનગરની મહુવા નગરપાલિકામાં એક બેઠક પર ભાજપનો વિજય થયો છે. પાલિતાણામાં ભાજપે બે બેઠકો જીતી છે જ્યારે કોંગ્રેસને ત્રણ બેઠકો મળી છે. સૌની નજર પાલિતાણાના ચૂંટણી પરિણામો પર હતી. પાણિતાણામાં કોંગ્રેસના ઉમેદવારના ઉમેદવારી પત્રો રદ થવાનો મામલો હાઈકોર્ટમાં પહોંચ્યો હતો. ભાવનગર નવા પ્રદેશ કોંગ્રેસ પ્રમુખ શક્તિસિંહ ગોહિલનો હોમ જિલ્લો છે. ગીર સોમનાથની તાલાલા નગરપાલિકામાં એક બેઠક, કચ્છની મુન્દ્રા - બારોઈ નગરપાલિકામાં એક બેઠક, ખેડાની થાસરા નગરપાલિકામાં એક બેઠક ભાજપને મળી છે. આ ઉપરાંત મહેસાણાની ઊંઝા નગરપાલિકામાં પણ ભાજપને એક બેઠક મળી છે. આ સાથે નર્મદાની રાજપીપળા નગરપાલિકામાં પણ એક બેઠક પર ભાજપનો વિજય થયો છે.

રાજકોટમાં અંધશ્રદ્ધાએ લીધો 10 માસની બાળકીનો ભોગ! કરૂણ-ભંયકર અંજામ સાંભળી થથરી જશો!

પેટાચૂંટણીમાં કોંગ્રેસને AAP નડી
સ્થાનિક સંસ્થાઓની ખાલી પડેલી બેઠકો માટેની પેટાચૂંટણીમાં એ વાત સામે આવી છે કે વિધાનસભાની ચૂંટણીની જેમ આ ચૂંટણીઓમાં પણ આમ આદમી પાર્ટીની હાજરી કોંગ્રેસ માટે ટેન્શનનું કારણ બની છે. જેના કારણે પાર્ટીએ ઘણી બેઠકો ગુમાવી છે અને તે બેઠકો ભાજપના ખાતામાં ગઈ છે. આમ આદમી પાર્ટીને ભલે એક પણ સીટ ન મળી હોય પરંતુ તેણે કોંગ્રેસને ઘણું નુકસાન કર્યું છે. AAPના પ્રદેશ પ્રમુખ ઇસુદાન ગઢવીએ એક દિવસ પહેલા જ ગુજરાતમાં ભારત સંગઠન પ્રમાણે આગળ વધવાની જાહેરાત કરી હતી.

ICC Rankings: શુભમન ગિલનો વનડે રેન્કિંગમાં જલવો, ટોપ-5માં પાકિસ્તાની બેટરોનો દબદબો