ગોંડલ: મગફળીના ગોડાઉનમાં આગ લાગતા 1000 ટન મગફળી બળીને ખાખ

શ્રીયા પીનટ્સમાં લાગેલી આગમાં મોટી સંખ્યામાં નૂકશાન થયાના અહેવાલ મળી રહ્યા છે. આગ લાગવાને કારણે આશકે 1000 ટન જેટલી મફળી બળીને ખાખ થઇ ગઇ છે. અંદાજા પ્રામાણે આશરે 4 કરોડ રૂપિયાની મગફળી તથા આશરે 1 કરોડ રૂપિયાની મશીનરી પણ આગમાં બળીને ભસ્મીભૂત થઇ હોવાના અહેવાલ મળી રહ્યા છે. ફાયરનો સ્ટાફ આગને કાબૂમાં લેવા માટે ભારે જહેમત કરી રહ્યો છે.

વધુમાં વાંચો...અમદાવાદ: દારૂની મહેફીલ માણતા 6 વિદ્યાર્થીઓ ઝડપાયા

આગની જાણ થતા ગોડલ ફાયર ફાઇટરની બે ટીમ ઘટના સ્થળે પહોંચી હતી. આગ ધીમે-ધીમે વિકરાળ સ્વરૂપ ઘારણ કરતા પોલીસ અને મામલત સહિતનો સ્ટાફ ઘટના સ્થળ પર પહોંચ્યો હતો. મગફળીના ગોડાઉનમાં લાગેલી આગને કારણે બાજુમાં રહેલા ઓઇલ મીલની મશીનરી પણ બળીને ખાખ થઇ હતી. આગ કાબૂમાં ન આવતા જેતપુરથી પણ ફાયરની ટીમ બોલાવામાં આવી હતી.