ગુજરાતના છેવાડાના જિલ્લામાં નકલી નોટો ફેરવતા ચાર પકડાયા, નાની દુકાનોને બનાવતા ટાર્ગેટ

ઉત્તર પ્રદેશના મેરઠથી કેટલાક શખ્સો પાલનપુરમાં નકલી નોટો વટાવવા આવ્યા હોવાની પાલનપુર પૂર્વ પોલીસને ગુપ્ત બાતમી મળી હતી. જેને લઇ પૂર્વ પોલીસ દ્વારા આ શખ્સોને પકડવા માટે ઓપરેશન હાથ ધરાયું હતું. ત્યારે પોલીસે બાતમીના આધારે પાલનપુરના રેલવેસ્ટેશન વિસ્તારમાં આવેલ ક્ષુધાશાંતિ લોજના રૂમમાંથી ચાર શખ્સોને રૂ.100ના દરની 457 નકલી નોટો સાથે ઝડપી લીધા હતા. આ શખ્સો શહેરની નાની-નાની દુકાનોમાં જઇ રૂ.10 ની વસ્તુ લઇ તેની સામે રૂ.90 પરત લઇ લેતા હતા. આ રીતે આ શખ્સો પાલનપુરમાં નકલી નોટો વટાવતા હતા.

આ પણ વાંચો : યુક્રેનથી Live : ગુજરાતી વિદ્યાર્થીનીએ વીડિયોથી બતાવ્યા યુક્રેનની તબાહીના દ્રશ્યો, રશિયાએ ફૂંકેલુ બંકર બતાવ્યું 

ઝડપાયેલા આ શખ્સો પાસે રૂ. 100 ના દરની નકલી નોટો હતી. જેમાં ચાર જ સીરીઝની આ નકલી નોટો હતી. આમ એક જ સીરીઝની વધારે પડતી નોટો હોવાથી તે નોટ નકલી હોવાનો પોલીસને ખ્યાલ આવ્યો હતો. પોલીસે ઝડપાયેલા શખ્સો પાસેથી 45700 રૂપિયાની 100 રૂપિયાના દરની 457 નકલી નોટો, ચાર મોબાઇલ (કિંમત રૂ. 6000) તેમજ રોકડ રૂપિયા 3750 મળી કુલ રૂ. 9750 નો મુદ્દામાલ કબજે કર્યો હતો. તેમજ આ શખ્સો કેવી રીતે નકલી નોટો બનાવતાં, અત્યાર સુધીમાં પાલનપુર સહિત અન્ય વિસ્તારમાં કેટલા રૂપિયાની નકલી નોટો વાપરી તે સિવાય તેમની ગેંગમાં અન્ય કેટલાક લોકો સામેલ છે તે સહિતની વધુ તપાસ પોલીસ કરી રહી છે તેવું એએસપી સુશીલ અગ્રવાલે જણાવ્યું.

ઝડપાયેલા શખ્સો
1. મહંમદસમીર મહંમદનસીમ મહંમદકરાર સૈયદ (મુસલમાન) (રહે.નાસીરગલી નં.4, મદીના કોલોની અબુબકર મસ્જીદ પાસે, લીસાડી રોડ, મેરઠ શહેર, જી.મેરઠ (યુ.પી.)
2. મહંમદઆતીફ મહંમદનસી મહંમદકરાર સૈયદ (મુસલમાન) (ઉં.વ.20) (રહે.નાસીરગલી નં.4, મદીના કોલોની અબુબકર મસ્જીદ પાસે, લીસાડી રોડ, મેરઠ શહેર, જી.મેરઠ(યુ.પી.)
3. અબ્દુલકરીમ ઉર્ફે બિલાલખાન મહમંદતોહીદ પઠાણ (મુસલમાન) (રહે.ગલી નં-5, શ્યામનગર રોડ, ગોલ્ડન ઇદગાહ કોલોની, મેરઠ શહેર,જી.મેરઠ (યુ.પી.)
4. મહંમદઇ જીંમામ મહંમદરજી સૈયદ (મુસલમાન) (રહે.લોઇયા,તા.સરદના,જી.મેરઠ (યુ.પી.)