સુરત: અંજની એસ્ટેટના લુમ્સના કારખાનામાં ભીષણ આગ લાગી, ફાયરની 5 ગાડીઓ ઘટનાસ્થળે 

સુરતમાં લુમ્સના કારખાનામાં આગ લાગવાની ઘટના ઘટી છે. અમરોલી-સાયણ રોડ પર લસકાના ખાતે આવેલી અંજની એસ્ટેટમાં લુમ્સના કારખાનામાં આ આગ લાગી છે. કારખાનાના ત્રીજા માળે આગ લાગતા અફરાતફરીનો માહોલ જોવા મળ્યો છે. ફાયરની 5 ગાડીઓ ઘટનાસ્થળે પહોંચી ગઈ છે. પાણીના મારાથી આગને કાબુમાં લેવાના પ્રયત્નો થઈ રહ્યાં છે. હજુ સુધી કોઈ જાનહાનિના અહેવાલ મળ્યા નથી.