વડોદરામાં વેક્સીનના ડીપ ફ્રીઝર આવ્યા, સૌથી પહેલા હેલ્થ વર્કર્સને અપાશે રસી

• વડોદરામાં કોરોનાની કામગીરીમાં સંકળાયેલા હોય તેવા કર્મચારીઓનું લિસ્ટ આરોગ્ય વિભાગને મોકલી અપાયું છે.
• આ રસી પહેલા કોને આપવી તે માટે પણ કમિટિ બનાવવામાં આવી છે.

રવિ અગ્રવાલ/વડોદરા :ગુજરાતીઓને ટૂંક સમયમાં જ કોરોનાની વેક્સીન મળવાની છે. ત્યારે રાજ્ય સરકારે ગુજરાતની તમામ મ્યુનિસિપલ કોર્પોરેશન અને જિલ્લાના આરોગ્ય અમલદાર પાસે કોરોના વોરિયર્સ તરીકે ફ્રન્ટલાઈનમા કામ કરતા લોકો (corona warriors) ની યાદી માંગી છે. ત્યારે વડોદરા જિલ્લામાં 23000 લોકોનું લિસ્ટ તૈયાર કરવામાં આવનાર છે. ત્યારે વડોદરામાં કોરોના વેક્સીન માટે તૈયારીઓ શરૂ થઈ ગઈ છે. વેક્સીન (corona vaccine) માટે વડોદરામાં 25 ડીપ ફ્રીઝર આવ્યા છે. ગુજરાત સ્ટેટ મેડિકલ કોર્પોરેશન લિમિટેડના સ્ટોરમાં આ ડીપ ફ્રીઝર મૂકાયા છે. પહેલા તબક્કામાં 23470 હેલ્થ કર્મીઓને વેક્સીન અપાશે. તંત્રએ જિલ્લા અને તાલુકા ટાસ્ક ફોર્સ કમિટી બનાવી છે. જે મુજબ પહેલા ગ્રામીણ વિસ્તારોમાં વેક્સીન અપાશે, અને ત્યાર બાદમાં શહેરી વિસ્તારમાં વેક્સીન આપવાનું શરૂ કરાશે.