હિંમતનગરની હાથમતી નદીમાં અજાણ્યો યુવાનનું ડુબવાથી મોત

હિંમતનગર : શહેરનાં ભોલેશ્વર નજીક હાથમતી નદીમાં એક યુવાન ડુબ્યો હોવાની ઘટના બની છે. નદી પાર કરતા સમયે આ યુવાન ડુબ્યો હોવાનું પ્રાથમિક તપાસમાં સામે આવ્યું છે. સ્થાનિક નાગરિકો અને ફાયર વિભાગ દ્વારા મિનિટોમાં મૃતદેહને બહાર કાઢ્યો હતો. સ્થાનિકો દ્વારા યુવાનને બચાવવા માટે પ્રયાસ કરવામાં આવ્યો હતો. જો કે તે પાણીના વહેણમાં તણાવા લાગ્યો હોવાથી થોડા જ સમયમાં ગુમ થઇ ગયો હતો. ત્યાર બાદ સ્થાનિકોએ ફાયર વિભાગને જાણ કરી હતી. ફાયર વિભાગે ગણત્રીની મિનિટોમાં યુવાનનાં મૃતદેહને બહાર કાઢ્યો હતો.