ગાંધીનગરના ઇન્દ્રોડા પાર્કમાં માણી શકાશે સિંહ જોવાની મજા

ગાંધીનગરઃ ગરવા ગીરનાં સાવજની ત્રાડ હવે રાજયનાં પાટનગર ગાંધીનગરમાં પણ સાંભળવા મળશે. ગાંધીનગરનાં ઇન્દ્રોડા પાર્કમાં સિંહ અને સિંહણની યુગલ જોડીને લાવવામાં આવી છે. ટૂંક સમયમાં હવે તે સ્થળ મુલાકાતીઓ માટે ખુલ્લું મુકવામાં આવશે. ગાંધીનગરનાં ગીર ફાઉન્ડેશનમાં સિંહ-સિંહણને લવાયા છે. સૂત્રાપાડાથી લવાયેલ સિંહનું નામ સૂત્રા અને સિંહણનું નામ ગ્રીવા રાખવામાં આવ્યું છે. હવેથી ઇન્દ્રોડા પાર્કમાં મુલાકાતીઓ માટે આ નવું આકર્ષણ બની રહેશે.