નારાજગીના દોર વચ્ચે હાર્દિકે કરી ટ્વીટ, ‘લોકોએ પૂછી-પૂછીને મને બીમાર કરી દીધો’

શું કોંગ્રેસના કાર્યકારી અધ્યક્ષ હાર્દિક પટેલ હવે હાથનો સાથ છોડશે? આ સવાલ એટલા માટે થઈ રહ્યો છે, કારણ કે હાર્દિક પટેલ પોતાની જ નેતાગીરી સામે સવાલો ઉઠાવ્યા છે. હાર્દિકે કહ્યું છે કે, કોંગ્રેસના જ કેટલાક નેતાઓ ઈચ્છે છે કે હું પાર્ટી છોડી દઉં. પ્રદેશ કાર્યકારી અધ્યક્ષ હાર્દિક પટેલે કોંગ્રેસથી દુ:ખી થઈને કહ્યું છે કે, મને એટલો હેરાન કરવામાં આવે છે જેથી મને ખરાબ લાગે છે અને રાહુલ ગાંધીને ઘણી વખત પરિસ્થિતિ જણાવી છે, તેવું પણ હાર્દિક પટેલે કહ્યું છે. 

अफवाह थी की मेरी तबियत ख़राब हैं, लोगो ने पूछ पूछ के बीमार कर दिया।

— Hardik Patel (@HardikPatel_) April 15, 2022

તો બીજી તરફ આમ આદમી પાર્ટીએ પણ હાર્દિકને આપમાં જોડાવા આમંત્રણ આપી દીધું છે. આપના અધ્યક્ષ ગોપાલ ઇટાલિયાએ કહ્યું કે આમ આદમી પાર્ટી સંઘર્ષની પાર્ટી છે, અમે લોકો માટે લડીએ અને આવાજ ઉઠાવીએ છીએ. હાર્દિક પણ લોકો માટે અવાજ ઉઠાવે છે, હાર્દિક જેવા લડવૈયાએ આમ આદમી પાર્ટી સાથે જોડાવવું જોઈએ. હાર્દિક સાથે સામાજિક રીતે જોડાયેલા છીએ, હાર્દિક મારો મિત્ર છે એટલે સમયાંતરે સંપર્કમાં રહેતા હોઈએ છીએ. અનેક પ્રકારની વાતચીત મારી અને હાર્દિક વચ્ચે થતી રહેતી હોય છે. 

કોંગ્રેસના કાર્યકારી પ્રમુખ હાર્દિક પટેલની પક્ષ સામે નારાજગી બાદ કોંગ્રેસના જ દિગ્ગજ નેતાઓએ હાર્દિક સામે કટાક્ષ કર્યાં છે. જગદીશ ઠાકોરે કહ્યું કે, ચર્ચાનો કોઈ મતલબ નથી. તો હાર્દિકના નરેશ પટેલના નિવેદન પર રઘુ શર્માએ પ્રતિક્રીયા આપતા કહ્યુ કે, જો તમને ફરિયાદ હોય તો અમને જાણ કરો. જાહેરમાં નિવેદનો કરવાથી ક્યારેય સમસ્યાનું સમાધાન ન થાય. કોંગ્રેસ પાર્ટીમાં શિસ્ત ખૂબ જરૂરી છે. જો શિસ્ત ન હોય તો પાર્ટી ન ચાલી શકે. અનુસાસનમાં તમામ લોકોએ રહેવું ખૂબ જરૂરી છે.