Kajal Hindustani Controversy મુસ્તાક દલ/જામનગર : ગુજરાતમાં ઉશ્કેરણીજનક ભાષણ કરનાર કાજલ હિન્દુસ્તાની સામે ગુનો નોંધી ધોરણસરની કાર્યવાહી કરવા જામનગરના સામાજીક કાર્યકર-આગેવાન દ્વારા આજરોજ જામનગર જીલ્લા પોલીસવડાને આવેદનપત્ર આપવામાં આવ્યું છે. જામનગરના રણજીતસાગર રોડ હરીધામ સોસાયટીમાં રહેતા અને જીલ્લામાં પાટીદાર સમાજના આગેવાન તરીકે સામાજીક કાર્ય કરતા પાર્થ પટેલ સહિતના પાટીદારો દ્વારા આજરોજ ફરીયાદ નોંધવા અંગેની કાર્યવાહી કરવાની માંગણી સાથેનું આવેદનપત્ર જામનગર એસપીને આપવામાં આવ્યુ હતું.
પાટીદાર યુવાનોએ જણાવ્યુ હતું કે, ગત તા. ૮-૬-૨૩ના રોજ સુરત જીલ્લાના ગાધકડા મિત્રમંડળ દ્વારા સ્નેહમિલન સમારોહનું આયોજન કરવામાં આવ્યુ હતું. આ આયોજનમાં કાજલ હિન્દુસ્તાનીના ભાષણનો વીડિયો વાયરલ થયો હતો. આ વિડીયો મારા મોબાઇલમાં આવ્યો હતો. જેમાં મોરબી જીલ્લામાં કોલેજની પટેલ સમાજની ૭ દિકરીઓ મુસ્લીમ છોકરાઓને બોયફ્રેન્ડ બનાવેલ છે. અને અંદરો અંદર બોયફ્રેન્ડ બદલે છે. છોકરાને ગાડી ગીફટમાં આપી દીધી છે. ઘરની તિજોરીમાંથી રુપીયા કાઢી લે તો કોને ખબર પડવાની છે, સમાજ કઇ જગ્યાએ જઇ રહ્યો છે. એ પ્રકારનો ૫૫ મિનીટ ૩૩ સેકન્ડનો વીડિયો છે.
નવા મકાનમાં ભેજ લાગે અને બિલ્ડર હાથ અદ્ધર કરી દે તો ગભરાતા નહિ, આવ્યો મોટો ચુકાદો
તેમણે જણાવ્યું કે, ભાષણનો વીડિયો યુ-ટયુબ માઘ્યમથી વાયરલ થયો હોય જેથી મોરબીમાં રહેતા અને ગુજરાતના પાટીદાર સમાજના લોકોની લાગણી દુભાઈ છે. તેમનું અપમાન થયું છે. આ વીડિયોમાં ઉશ્કેરણીજનક અને બદનામ કરતું ભાષણ કરાયું છે, જે બાબતે ખરાઇ કરતા મોરબીમાં આવી કોઇ ઘટના બનેલ નથી. માત્ર કાજલ હિન્દુસ્તાનીએ પોતાની ટીઆરપી મેળવવા મનઘડંત વાતો કરતા હોય જેથી તેની સામે ગુનો નોંધી ધોરણસરની ફરીયાદની કાર્યવાહી કરવા પાટીદાર આગેવાનોએ રજૂઆત કરી છે.
કાજલ હિન્દુસ્થાનીના આ વીડિયોથી પાટીદાર સમાજમાં ઉઠ્યો વિરોધનો સૂર, વિવાદીત ટિપ્પણી મામલે થશે પોલીસ ફરિયાદ!#Gujarat #Viral #ViralVideo #KajalHindustani pic.twitter.com/r0yVmBKnyp
— Zee 24 Kalak (@Zee24Kalak) March 18, 2024
કાજલ હિન્દુસ્તાનીએ પાટીદારોની દીકરીઓ વિશે શું કહ્યું
વીડિયોમાં કાજલ હિન્દુસ્તાની બોલે છે કે, મોરબીમાં એક જ કોલેજની 7 પટેલની દીકરીઓએ બધા બોયફ્રેન્ડ વિધર્મી બનાવ્યા છે અને અંદરોઅંદર બોયફ્રેન્ડ બદલે છે. સાતેયે મળીને પેલા છોકરાને 40 લાખની કાર ગિફ્ટ આપી દીધી. પિતા બહુ પૈસા કમાવવામાં વ્યસ્ત છે. માતા રીલ બનાવવા પોતાની મસ્તીમાં મસ્ત છે. ઘરમાં લાખો રૂપિયા પડ્યા છે, તિજોરીમાંથી 2-5 લાખ રૂપિયા લઈ લે તો કોને ખબર પડવાની છે. આ છોકરીઓની ઉંમર 16-17 વર્ષની છે. હવે વિચારી લ્યો આપણો સમાજ કઇ જગ્યાએ જઇ રહ્યો છે.'
ભાજપે દિપસિંહને પડતા મુકી ભીખાજી ઠાકોરને મેદાનમાં ઉતાર્યા, તો કોંગ્રેસ નવુ લાવી
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે