ભાજપના ઉમેદવારો પર લોકોએ છપ્પર ફાડકે પ્રેમ વરસાવ્યો, 2014 કરતા લીડ વધી

અમદાવાદ :ગુજરાતમાં ભાજપે 2014ની જેમ તમામ 26 બેઠકો પોતાના નામે કરી છે. 2014ની જેમ જ 2019માં પણ ગુજરાતમાં મોદીવેવ જોવા મળ્યો, અને કોંગ્રેસની રહીસહી બચેલી આશા પર પણ પાણી ફરી વળ્યું. કોંગ્રેસના આ વખતે 8 સીટ પર જીત થશે તો દાવો હતો, પણ ત્યાં પણ ભાજપના ઉમેદવાર ગત ચૂંટણી કરતા પણ વધુ લીડ સાથે જીત્યા. રસપ્રદ બાબત એ છે કે, લગભગ તમામ બેઠકો પર ભાજપને 2014 કરતા વધુ લીડ મળી છે. કેટલીક બેઠકો એવી છે, જેમાં 2014 કરતા પણ બમ્પર લીડ મળી છે. એકમાત્ર દાહોડની લીડ થોડી ઘટી છે. દાહોદમાં 2014ના વર્ષમાં ભાજપને 230,354 મત પડ્યા હતા, જ્યારે 2019ના ઈલેક્શનમાં 127596 મત મળ્યાં છે.