)
અમદાવાદ: રાજ્યના વાતાવરણમાં એકાએક પલટો આવતા કમોસમી વરસાદ શરૂ થયો હતો. ઉત્તર ગુજરાતના મહેસાણા, વિસનગર, બહુચરાજી, ઊંઝા સહિત તમામ તાલુકાઓમાં વરસાદ શરૂ થતા ખૂડૂતોની મુશ્કેલીમાં વધારો થયો છે. ગાંધીનગરમાં પણ ધૂળની ડમરીઓ સાથે વાતાવરણમાં પલટો આવતા વરસાદની શરૂઆત થઇ હતી.
ઉત્તર ગુજરાતમાં પાટણ, બનાસકાંઠા, અને મહેસાણામાં પણ ગાજવીજ સાથે વરસાદ શરૂ થયો હતો. કમોસમી વરસાદ વરસવાને કારણે જગતના તાતને ભારે નુકશાન થયું છે. મોટી સંખ્યામાં જીરુ, તથા ઇસબગુલના પાકને નુકશાન થયું હતું. અરવલ્લી જિલ્લામાં પણ ભારે પવન સાથે વરસાદ શરૂ થતા ગઢડાકંપા,ટિંટિસર,સરડોઇ,લાલપુર વિસ્તારમાં પાકને નુકશાન થયું છે.
વહેલી સવારથી જ વાતાવરણમાં પલટો આવવાને કારણે રાજ્યના મોટા ભાગના વિસ્તારોમાં વાદળ છાયું વાતાવરણ થયું હતું. કમોસમી વરસાદ પડવાને કારણે વાતાવરણમાં ઠંડક પ્રસરી ગઇ હતી. દિયોદર પંથકમાં કમોસમી વરસાદને કારણે વાવઝોડા સાથે વરસાદ પડવાને કારણે જીરા,ઇસબગુલ ,રાયડાના મોટુ નુકશાન થયું છે. કમોસમી વરસાદને કારણે ખેડૂતોની ચિંતામાં વધારો થયો છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
