અમેરિકા જવાની લ્હાયમાં પટેલ પરિવારે જીવ ખોયો, કેનેડાથી અમેરિકામાં ઘૂસવા હાડ થીજવતી ઠંડીમાં 11 કલાક ચાલ્યા

કેનેડાથી અમેરિકામાં ગેરકાયદે ઘૂસણખોરી કરતાં પકડાયેલા  લોકો માણસા, ગાંધીનગર અને કલોલ તાલુકાના રહેવાસી હોવાની શક્યતા છે. તમામ લોકો એજન્ટની મદદથી બોર્ડર પાર કરતા હતા. આ ચારેય મૃતદેહો મળી આવ્યા પછી ફ્લોરિડાના એજન્ટ સ્ટીવ સેન્ડને દબોચી લેવાયો હતો. કુલ 11 લોકો કેનેડાથી અમેરિકાની બોર્ડર ગેરકાયદેસર રીતે પાર કરી રહ્યા હતા, જેમાંથી ચારના મોત થયા છે. બાકીના લોકોને પકડી પાડવામાં આવ્યા છે. 

આ પણ વાંચો : shocking ઘટના !!! બાપની બેદરકારીથી દીકરી મોતના મુખમાં ગઈ, ભૂલથી પોતાની જ દીકરીને ટ્રેક્ટર નીચે કચડી

એક જ પરિવારના ચારના મોત
ગાંધીનગરના કલોલ તાલુકાના ડીંગુચા ગામે બળદેવભાઇ પટેલ અને તેમનો પરિવાર રહે છે. 10 દિવસ અગાઉ બળદેવભાઇનો પુત્ર જગદીશ પટેલ અને તેના પત્ની તેમજ પુત્રી, પુત્રી 10 દિવસ અગાઉ એજન્ટ મારફતે કેનેડા ગયા હતા. કેનેડા ગયા બાદ તેમનો સંપર્ક થયો હતો, પરંતુ છેલ્લા ત્રણ દિવસથી તેમનો કોઇ સંપર્ક ન થઇ રહ્યો હોવાનું ગ્રામજનો દ્વારા જાણવા મળ્યુ છે. બીજીતરફ, અમેરિકા-કેનેડા સરહદ નજીક ચાર ગુજરાતીઓના ઠંડીના કારણે મોત થવાના અહેવાલ સમાચાર માધ્યમોમાં આવતા ગ્રામજનોમાં ચિંતાનું મોજુ ફરી વળ્યું છે.

સમગ્ર ઘટના વિશે બળદેવભાઈએ જણાવ્યુ કે, તેમનો પરિવાર 4 દિવસથી ગુમ છે, દસ દિવસ અગાઉ પુત્ર કેનેડા જવાનું કહીને નીકળ્યો હતો. તેઓ કેવી રીતે જવાના હતા તેની કઈ ખબર નથી અને કોણ કોણ સાથે હતું એ પણ ખબર નથી. છેલ્લા બે દિવસથી તેનો સંપર્ક થઈ શક્યો નથી. 

આ પણ વાંચો : અડધી રાત્રે પતિએ રૂમમાંથી બહાર આવીને માતાને કહ્યું, મેં પત્નીની હત્યા કરી... લગ્નને થયા હતા માત્ર 4 મહિના

અન્ય કોણ કોણ ગુમ
મહેશભાઈ વાડીલાલ પટેલ, વર્શિલ પંકજભાઈ ધોબી, અર્પિત કુમાર રમેશભાઈ પટેલ, પ્રિન્સકુમાર જ્યંતિભાઈ પટેલ, સુજિતકુમાર અલ્પેશભાઈ પટેલ, યશ દશરથભાઈ પટેલ, પ્રિયંકા કાંતિભાઈ ચૌધરી

અમેરિકા ગેરકાયદેસર પ્રવેશવાના રસ્તા

• કેનેડાથી કન્ટેનર અથવા ટ્રકથી ઘૂસે છે લોકો
• મેક્સિકોની બોર્ડરથી પણ લોકો જીવના જોખમે સરહદ ઓળંગે છે
• મેક્સિકોના જંગલમાઁથી પસાર થઈને અમેરિકા પહોંચે છે લોકો
• બહમાસથી લોકો ગેરકાયદેસર રીતે બોટમાં જાય છે