)
ગૌરવ પટેલ, અમદાવાદ: આ વખતે રાજ્યસભાની ચૂંટણીમાં હુકમનો એક્કો બીટીપી ગણાશે. બીટીપી (ભારતીય ટ્રાઈબલ પાર્ટી) ના બે ધારાસભ્યો જેને મત આપશે એમના ઉમેદવારની જીત નિશ્ચિત જોવાઈ રહી છે. ભાજપ-કોંગ્રેસના નેતાઓ બીટીપીને પોતાના સાથે લેવા માટે ભરચક પ્રયાસ કરી રહ્યાં છે. કોંગ્રેસમાં અહેમદ પટેલ તરફથી ગૌરવ પંડયા અને પરેશ ધાનાણી બીટીપી સાથે વાર્તાલાપ કરી રહ્યા છે.
આ બાજુ બીજેપીનું શીર્ષ નેતૃત્વ પણ બીટીપીને પોતાના સાથે રાખવા પ્રયત્નશીલ છે. ભરૂચ અને નર્મદા જિલ્લા પંચાયતમાં બીટીપી-કોંગ્રેસ સાથે છે. 2017 વિધાનસભા ચૂંટણીમાં 6 બેઠકો પર બીટીપી-કોંગ્રેસનું ગઠબંધન હતું. હાલ બીટીપીના જે બે ધારાસભ્યો છે તેમાં એક ડેડીયાપાડાથી મહેશભાઈ વસાવા અને બીજા ધારાસભ્ય ઝઘડીયાથી છોટુભાઈ વસાવા છે.
મધ્ય ગુજરાતના કોંગ્રેસના 7 ધારાસભ્યોને રાજસ્થાન મોકલાયા
અન્ય એક મહત્વના સમાચારમાં મધ્ય ગુજરાતના કોંગ્રેસના 7 ધારાસભ્યોને રાજસ્થાન મોકલવામાં આવ્યાં છે. ઉમેટાના એરિસ રિસોર્ટથી રાજસ્થાનના શિરોહી શિફ્ટ કરાયા છે. 2 ધારાસભ્યો બપોર બાદ રાજસ્થાન જશે. ખેડા, આણંદ અને વડોદરાના 9 ધારાસભ્યોને શિરોહીમાં રાખવામાં આવશે. પોતાની પ્રાઈવેટ કાર લઈને ધારાસભ્યો રાજસ્થાન ગયા છે.
જુઓ LIVE TV
અત્રે જણાવવાનું કે ગુજરાતમાંથી રાજ્યસભાની ચાર બેઠકો માટે ચૂંટણી 19મી જૂને યોજાશે. એ જ દિવસે સાંજે પાંચ કલાકે મતગણતરી હાથ ધરાશે. ગુજરાતમાં રાજ્યસભાની 11 બેઠકો છે.
(ઈનપુટ- રવિ અગ્રવાલ વડોદરા)
કોરોના વાયરસ પર તમામ સમાચારો જાણવા માટે કરો ક્લિક...
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
