ખેડૂતોની હાલત કફોડી: બોટાદના ખેડૂતોનો પાણીના અભાવે સતત ત્રીજી વાર પાક નિષ્ફળ

બીજી વાર પણ ખેડૂતો દ્વારા સારા વરસાદ પડશે તેવી આશાએ વાવણી કરી હતી. જો કે બીજી વાર પણ વાવણી નિષ્ફળ જતા ખેડૂતો ઉપર તો જાણે આભ તૂટી પડ્યું હોય તેવું લાગ્યું રહ્યું છે. ખેડૂતો દ્વારા ત્રીજી વાર વાવણી કરવામાં આવી હતી. પણ કુદરત જાણે ખેડૂત ઉપર નારાજ હોય તેવું લાગી રહ્યું છે. કારણ કે, ત્રીજી વાર કરેલી વાવણીમાં પાક તો ઉભો થયો પણ હવે વરસાદ ન હોવાના કારણે ખેડૂતોનો પાક બળી રહ્યો છે. તેમજ આ ગામડાઓમાં પડેલા અપૂરતા વરસાદ અને ડેમ ખાલી ખમ હોવાના કારણે પીવાના પાણી માટે પણ લોકોને તકલીફ પડે છે અને દુર દુર પાણી ભરવા જવું પડે છે.