)
ઉદય રંજન/અમદાવાદ: રાજ્યમાં જાણે કે બુટલેગરો ફરી બેફામ બન્યા હોય તેઓ કિસ્સો સામે આવ્યો છે. ખેડાથી અમદાવાદ તરફ આવતી દેશી દારૂ ભરેલી ગાડીને રોકવા જતા પોલીસની પીસીઆર વાનને દારૂ ભરેલી કાર ટક્કર મારી હતી. કણભા પોલીસને માહિતી મળતા હાઇ-વે પરથી આવતી દેશી દારૂ ભરેલી કારને રોકવાનો પ્રયત્ન કરવામાં આવ્યો હતો. પરંતુ દારૂ ભરેલી કારે પોલીસની પીસીઆર વાનને ટક્કર મારતા કણભા પોલીસ મથકના એએસઆઈ બળદેવજી નીનામાનું મોત નીપજ્યું હતું તો અન્ય બે પોલીસકર્મી ઘાયલ થયા હતા.
દેશ રામના રંગમાં રંગાયો હતો ત્યારે...18 જાન્યુઆરી 2024નો એ ગોજારો દિવસ કોણ ભૂલી શકે?
સમગ્ર મામલે કણભા પોલીસ મથકમાં કાર ચાલક તેમજ કાર માલિક અને અન્ય લોકો વિરુદ્ધ ફરિયાદ નોંધાય છે. તમામ લોકો સામે હત્યાની કોશિશ સહિતની કલમોથી ફરિયાદ નોંધવામાં આવી છે. મહત્વનું છે કે મોડી રાત્રે બનેલા બનાવવામાં સારવાર દરમિયાન પોલીસકર્મીનું મોત થતા જિલ્લા પોલીસવડા સહિતનો કાફલો ઘટના સ્થળે પહોંચ્યો હતો. બુટલેગરોએ પીસીઆરને ટક્કર મારતા પીસીઆર વેન તેમજ કારને ભારે નુકસાન થયું હતું. પોલીસને બુટલેગરની કારમાંથી 14000 રૂપિયાની કિંમતનો દેશી દારૂ પણ મળી આવ્યો હતો.
કોંગ્રેસમાંથી વધુ એક મોટી વિકેટ પડશે! ફરી વળ્યું છે ભાજપના ઓપરેશન લોટસનું વાવાઝોડું
જોકે સમગ્ર મામલામાં પોલીસકર્મીનું મોત થતા પોલીસમેડામાં શોકનું મોજુ ફરી વળ્યું હતું. પોલીસની પ્રાથમિક તપાસમાં સામે આવ્યું છે કે દેશી દારૂ ભરેલી કાર ખેડા તરફથી આવતી હતી અને અમદાવાદના રાણીપ સાબરમતિ અને ચાંદખેડા વિસ્તારમાં દેશી દારૂ પહોંચાડવાનો હતો. જોકે દારુ મંગાવનાર અને આપનાર લિસ્ટેડ ભૂપેન્દ્ર બુટલેગર હોવાની માહિતી પણ સામે આવી રહી છે.
Bharat Bandh News: આ દિવસે ભારત બંધનું મોટું એલાન, ઉઠાવવામાં આવશે આ મુદ્દાઓ
હાલ તો પોલીસ અલગ અલગ ટીમો બનાવી કેસમાં સંડોવાયેલા તમામ આરોપીઓની ધરપકડ કરવાની તજવીજ હાથ ધરી. મૃતક asi ને અમદાવાદ સિવિલ હોસ્પિટલમાં ગાર્ડ ઓફ ઓનર આપવામાં આવ્યું હતું. મૃતક પોલીસકર્મીનાં પરિવારને પણ જરૂરી સહાય પોલીસ સ્ટાફ તરફથી પૂરી પાડવામાં આવી હતી.
આ છે ભારતના 10 ધનવાન ખેડૂત, કમાણી જાણીને તમે પણ વિચારમાં પડી જશો
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
