મોટી દુર્ઘટના: પંચમહાલની પાનમ નદીમાં હોડી ડૂબી, માતા-પિતા અને બાળકીની લાશ મળી...

નાવિકનો મૃતદેહ હજી ન મળ્યો
પંચમહાલના શહેરાના બોરીયાવી પાસે પાનમ નદીમાં હોડી ડૂબવાની ઘટનામાં હોડીમાં સવાર 4 લોકોના પાણી માં ગરકાવ થતા મોત નિપજ્યા છે. એક જ પરિવારના માતા-પિતા અને પુત્રી સહિત નાવિકનું પણ ડૂબી જતાં મોત થયું છ. સ્થાનિક તરવૈયાની મદદથી મોડી રાત સુધી રેસ્ક્યુ કામગીરી કરીને માતા પિતા અને 3 વર્ષીય પુત્રીના મૃતદેહ પાણીમાંથી બહાર કાઢવામાં આવ્યા હતા. જોકે, નાવિકનો મૃતદેહ હજી સુધી મળ્યો નથી. જેની શોધખોળ ચાલી રહી છે. 

આ પણ વાંચો : સરકારના એક નિર્ણયથી ટુર એન્ડ ટ્રાવેલ્સનો પડી ભાંગેલો ધંધો ફરી બેઠો થશે

બે ગામના લોકો આ રીતે હોડીમાં આવનજાવન કરે છે 
એક જ પરિવારના ત્રણ સભ્યો મોતને ભેટતા સ્વજનોમાં શોક છવાયો છે. હોડી ચાલકનો મૃતદેહ લાબી મહેનત બાદ પણ ન મળતા આજે ફરીથી તેની શોધખઓળ કરવામાં આવશે. હોડીમાં સવાર લોકો મોરવાના ગાજીપૂરથી બોરીયાવી જઈ રહ્યા હતા. તેઓ ગાજીપુર પોતાના સંબંધીના ઘરે ગયા હતા, ત્યાંથી પરત ફરતા સમયે આ ઘટના બની હતી. આ દરમિયાન શનિવારે મોડી સાંજે આ ઘટના બની હતી. બંને ગામ વચ્ચે વર્ષોથી હોડીમાં બેસીને લોકો આવન જાવન કરે છે.