સત્તાના નશામાં નેતાજી ભૂલ્યા ભાન! ભાજપના નેતાએ મતદારને ભાંડી મણ મણની ગાળો

મનસુખ વસાવા: ના.. ના.. એ વાત નથી..
મતદાર: જે વીડિયો ઉતાર્યો એ સાચું જ છે સાહેબ
મનસુખ વસાવા: સાંભળ *#$& સાચું છે. #$&ના જૂઠું બોલે છે.
મતદાર: ના સાચું છે
મનસુખ વસાવા: શું સાચું છે. આ અહીંયાં જો અહીંયાં પાણી છે. આ બાજુ બધે ઘરે પાણી છે. આ મકાઈ પેરે છે. જૂઠું શું કામ બોલો છો.
મતદાર: પાણી સાચું છે સાહેબ પણ અહીંયાં પાણી નથી.
મનસુખ વસાવા: એવું નહીં જૂઠું નહીં બોલવાનું.

આકાશમાંથી આગની જેમ વરસશે ગરમી, ગુજરાતના 6 જિલ્લાઓમાં હીટવેવની આગાહી

લોકસભાની ચૂંટણીમાં નેતાઓ ભાન ભૂલીને પ્રચાર કરી રહ્યા છે. પોતાના હરીફ ઉમેદવાર પર તો લિમિટ બહાર જઈને પ્રહાર કરતા નેતાઓ તમે જોયા હશે પરંતુ ભરૂચ-નર્મદા લોકસભા સીટના ભાજપના ઉમેદવાર મનસુખ વસાવા તો મતદારને જ અપશબ્દો સંભળાવી રહ્યા છે. જી હા,,, મતદારને મણ મણની ગાળો સંભળાવી રહ્યા છે ભાજપના સાંસદ મનસુખ વસાવા. પાણીના પ્રશ્નની રજૂઆત કરતા મતદારને પ્રશ્નું સમાધાન થઈ જશે તેવું આશ્વાસન આપવાના બદલે આ નેતાજી તો અપશબ્દો સંભળાવી રહ્યા છે. આ વીડિયોમાં મનસુખ વસાવા એવા અપશબ્દો બોલી રહ્યા છે કે અમે તમને સંભળાવી શકતા નથી. પરંતુ જનસેવાની વાતો કરતા નેતા પાસેથી સુવિધાઓની અપેક્ષા રાખતી જનતાને શું સાંભળવા મળી રહ્યું છે તે જુઓ.

 

સત્તાના મધમાં નેતાજી ભૂલ્યા ભાન! ભાજપના સાંસદ મનસુખ વસાવાએ મતદારને ભાંડી મણ મણની ગાળો #Gujarat #BJP #LokSabhaElections2024 pic.twitter.com/PTcluv6gTo

— Zee 24 Kalak (@Zee24Kalak) March 23, 2024

 

ભરૂચ લોકસભા સીટ પરથી સાતમી વાર ચૂંટણી લડતા મનુસખ વસાવા મતદારે પાણી માગ્યું તો ગાળો આપી રહ્યા છે. આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. જો કે ઝી 24 કલાક આ વીડિયોનું પુષ્ટિ નથી કરતું પરંતુ આ વીડિયોમાં નેતા અને જનતા વચ્ચે શું સંવાદ થઈ રહ્યો છે તે જુઓ. 

ઓર્ગેનિક ખેતીનું પરિણામ : ગુજરાતી ખેડૂતે દેશી વસ્તુઓ પાઈને બે રંગના તરબૂચ ઉગવ્યા