જમ ઘર ભાળી જતા ગુજરાતમાં ભાજપે સ્ટ્રેટેજી બદલી, છેલ્લી ઘડીએ માસ્ટર સ્ટ્રોક મારશે

છેલ્લો સહારો મોદીજી
ગુજરાત ભાજપમાં આંતરિક અસંતોષની ઠારવા માટે ભાજપ નવો દાવ રમી રહ્યું છે. ઉમેદવાર સામે વાઁધો હોય તો પીએમ મોદીને જોઈ મત આપજો. ઉમેદવાર સામે ડખા ઉભા થતા ભાજપે સમર્થકોને રીઝવવા માટે છેલ્લે વડાપ્રધાન મોદીનો સહારો લેવો પડ્યો. ભાજપે હવે એવો પ્રચાર શરૂ કર્યો છે કે, સમર્થકોને અપીલ કરી છે કે, તમને જો ઉમેદવાર સામે વાંધો હો યો તો પીએમ મોદીને જોઈને મત આપજો. 

રૂપાલાની આગને ઘી હોમીને મોટી કરાઈ, ગુપ્ત રિપોર્ટથી હાઈકમાન્ડ પણ ચોંકી ગયું

આંતરિક વિરોધ સાતમા આસમાને
ગુજરાત ભાજપમાં હાલ ચારેતરફ વિવાદોની આગ ભભૂકી રહી છે. લોકસભામાં પાંચ લાખની માર્જિન સાથે જીતવાના પાટીલના લક્ષ્યાંક સામે અનેક પડકારો છે. ગુજરાતની અનેક બેઠકો પર ઉમેદવાર બદલવા માટે માંગ ઉઠી છે. પહેલા વિરોધ થતા વડોદરા અને સાબરકાંઠાના ઉમેદવારો તો બદલી પણ દેવાયા. પરંતું હવે રૂપાલા સામેનો રાજપૂતોનો રોષ જઈ નથી રહ્યો. ગુજરાત ભાજપમાં લગભગ અડધો ડઝન બેઠકો પર ઉકળતા ચરુ જેવી સ્થિતિ છે. વલસાડથી લઈને સાબરકાંઠા સુધી ભાજપના જ સમર્થકોએ ઉમેદવાર સામે વિરોધનું બ્યૂગલ ફૂંક્યું છે. 

શિસ્તબદ્ધ પાર્ટીને ચચરી જાય એવી ટ્વીટ ભાજપના નેતાએ કરી, લાયક ઉમેદવાર માટે સવાલ કર્યા

30 વર્ષના શાસનમાં ફરી એકવાર મોદીજી 
આવામાં હવે પાર્ટી ત્રીજી બેઠક પર ઉમેદવાર બદલવાના મૂડમાં નથી. પરંતું આ વિરોધને શાંત કરવા માટે પાર્ટી કંઈક નવુ જ પ્લાન કરી રહી છે. ભાજપે નવો પ્રચાર શરૂ રક્યો છે કે, જો તમને ઉમેદવાર સામે વાંધો હોય તો પીએમ મોદીની સામે જોઈને ભાજપને મત આપજો. આમ, 30 વર્ષથી ગુજરાતમાં શાસન કરતી ભાજપ પાર્ટીને વોટ લેવા માટે ફરી એકવાર મોદીના નામનો સહારો લેવો પડી રહ્યો છે. એકવાર મોદીના નામનું બ્રહ્માસ્ત્ર છૂટશે એટલે બધુ ભૂલાઈ જશે. વિવાદોથી ભલે ગુજરાત સળગતુ, પણ મત તો મોદીના નામે જ મળશે. આમ, રોષે ભરાયેલા સમર્થકોને રીઝવવા માટે મોદી માર્કેટમાં આવશે. 

ગુજરાતના રાજકારણમાં હજુરિયા, ખજૂરિયા, મજૂરિયાની એન્ટ્રી : ચાલો ભાજપના ઘમંડને હરાવીએ

ઉમેદવાર બદલાય તો બદનામી થશે 
તો બીજી તરફ, એવુ પણ ચર્ચા છે કે, જો અસંતોષ ઠારવા માટે ઉમેદવાર બદલાય તો ભાજપની નામોશી થાય. આ જોઈને અન્ય બેઠકો પર પણ ઉમેદવાર બદલવાની માંગ ઉઠશે અને અસંતોષ વકરશે. ત્યારે હાલ ભાજપ હાઈકમાન્ડે સ્પષ્ટ વલણ અપનાવ્યું કે, કોઈ પણ ભોગે જાહેર કરાયેલા ઉમેદવાર તો નહિ જ બદલાય. ખુદ ભાજપ નેતાઓ માની રહ્યા છે કે ઉમેદવાર બદલાય તો અન્ય સમાજો બાંયો ચઢાવી શકે છે. 

ભાજપમાં પક્ષપલટુઓનો વટ પડ્યો! પાયાના કાર્યકર્તા પોસ્ટર લગાવશે, પક્ષપલટુ સત્તા ભોગવશે