RTE માં પ્રવેશ અને ફીમાં રાહત મામલે ભુપેન્દ્રસિંહ ચુડાસમાનું મોટું નિવેદન, જાણો શિક્ષણ મંત્રીએ શું કહ્યું

જો કે, તે દરમિયાન સ્કૂલ ફી મામલે શિક્ષણ મંત્રી ભુપેન્દ્રસિંહ ચુડાસમાએ જણાવ્યું હતું કે, સ્કૂલ ફીમાં (School Fees) રાહત મામલે ટૂંક સમયમાં અમે યોગ્ય નિર્ણય લઇશું. કોલેજના વિદ્યાર્થીઓને બે વર્ષથી ટેબ્લેટ મળ્યા નથી ત્યારે વિદ્યાર્થીઓને ટેબ્લેટ ના મળવા મામલે શિક્ષણ મંત્રીએ (Education Minister) લુલો બચાવ કરતા જણાવ્યું હતું કે, બે વર્ષ બાદ પણ ટેબ્લેટ આપવા માટેની પ્રક્રિયા ચાલી રહી છે. તો બીજી તરફ RTE માં પ્રવેશ માટે ઓનલાઈન ફોર્મ ભરવાનો આજે અંતિમ દિવસ છે. ત્યારે RTE મામલે શિક્ષણ મંત્રી ભુપેન્દ્રસિંહ ચુડાસમાએ (Bhupendrasinh Chudasama) જણાવ્યું હતું કે, એક પણ વિદ્યાર્થી પ્રવેશથી વંચિત નહીં રહે. જરૂર પડશે તો ઓનલાઇન ફોર્મ ભરવાની મુદતમાં વધારો કરાશે.

આ પણ વાંચો:- અમદાવાદમાં શરૂ થઇ વધુ બે અદ્યતન સ્માર્ટ સ્કૂલો, ઈન્ફ્રાસ્ટ્રક્ચર જોઇને અંજાઇ જશે આંખો

ઉલ્લેખનીય છે કે, અમદાવાદ મ્યુનિસિપલ કોર્પોરેશનની (AMC) નગર પ્રાથમિક શિક્ષણ સમિતિ અમદાવાદ દ્વારા બહેરામપુરા ગુજરાતી શાળા નંબર 22 અને 23 ને સ્માર્ટ સ્કૂલમાં તબદીલ કરવામાં આવી છે. સ્માર્ટ સ્કૂલના ઉદ્ધાટનમાં આવેલા શિક્ષણ મંત્રી ભુપેન્દ્રસિંહ ચુડાસમાએ કહ્યું કે આધુનિક સાધનો અને વ્યવસ્થાઓ સાથે સરકારી શાળાઓ શરૂ થઈ રહી હોવાનો ગર્વ છે. હું ગૌરવ અનુભવુ છું કે 15 દિવસમાં AMC સ્કૂલમાં 18,000 વિદ્યાર્થીઓએ પ્રવેશ લીધો છે. 

સરકારી શાળાઓ (Goverment School) ની વાત આવે એટલે તૂટેલી, છતો, જમીન પર બેસેલા વિદ્યાર્થીઓ, અપૂરતી સુવિધાના દ્રશ્યો સામે આવી જતા હોય છે. પરંતુ આ સ્માર્ટ શાળાની સુવિધાઓ વિશે જાણશો તો નવાઇ લાગશે. લાખો રૂપિયા ફી વસૂલતી ખાનગી સ્કૂલોને ટક્કર આપી શકે તેવા ઈન્ફ્રાસ્ટ્રક્ચર સાથે સરકારી શાળાઓ શરૂ થઈ રહી છે. વિનામૂલ્યે વિદ્યાર્થીઓ આધુનિક રમતગમતના સાધનો, પ્રયોગશાળા, પ્લેનેટોરિયમ તેમજ ક્રોમબુક (લેપટોપ)થી અભ્યાસ કરી શકે તે પ્રકારની સુવિધાઓ સાથે સ્માર્ટ સ્કૂલ તૈયાર કરવામાં આવી છે. 

આ પણ વાંચો:- જો અહેમદ પટેલ હોત તો ગુજરાત કોંગ્રેસનો મોટો વિવાદિત મુદ્દો ઉકેલાઇ ગયો હોત

સ્માર્ટ સ્કૂલ (Smart School) માં બ્લેક બોર્ડ પર નહીં પણ સ્માર્ટ બોર્ડ (Smart Board) પર વિદ્યાર્થીઓ અભ્યાસ કરશે. કેટલાક વર્ગોમાં સ્માર્ટ ટીવી (Smart Tv) ના માધ્યમથી પણ અભ્યાસ કરાવાશે. ગુગલ ફીચર ક્લાસ અને તેમાં આપવામાં આવેલી સુવિધા જ અહીં ગરીબ અને મધ્યમ વર્ગના બાળકોને અભ્યાસ માટે રોજ આવવ મજબુર કરી દેશે. રાજ્યની 50 ટકા શાળાઓમાં ફાયરના સાધનોનો અભાવ, CCTV કેમેરા, લોકરની સુવિધા, પ્રોજેક્ટર નજરે પડતા નથી પરંતુ આ સ્માર્ટ સ્કૂલમાં પ્રવેશતા જ તમામ વસ્તુઓની હાજરી ધ્યાન આકર્ષિત કરે છે. ગણિત, વિજ્ઞાન અને જુદી જુદી આધુનિક લેબ અ સ્માર્ટ સ્કુલની વિશેષતા છે. 

આ પણ વાંચો:- અદાણી શાંતિગ્રામ સહિત અમદાવાદની 123 બિલ્ડીંગોને ફાયર વિભાગનો NOC અંગે પત્ર

આ સ્માર્ટ સ્કૂલ (Smart School) માં પ્રી એજ્યુકેશનલ કીટ, 3D એજ્યુકેશનલ ચાર્ટ, સાયન્સ અને મેથ્સ લેબ વિથ વર્કિંગ મોડેલ, ડિજિટલ પ્લેનેટોરીયમ, ફ્યુચર ક્લાસરૂમ, ફોલ્સ સીલીંગ, મલ્ટીપ્લે સ્ટેશન અને આઉટડોર રબર મેટ, ફ્રેન્સી બેન્ચીસો, ઇન્ડોર મેટ, CCTV કેમેરાથી લેસ, વ્હાઈટ બોર્ડ, સ્પોર્ટ્સ કીટ બાળકો માટે ઉપલબ્ધ કરાવાઈ છે. ગરીબ અને સામાન્ય પરિવારના બાળકો અવકાશ વિજ્ઞાનનું પણ જ્ઞાન મળી રહે તે માટે અલાયદું પ્લેનેટોરીયમ બનાવવામાં આવ્યું છે. જેમાં અદભુત ફિલ્મ બતાવવામાં આવે છે, અવકાશ વિષે જાણકારી મેળવવા માંગતા બાળકોને સરળતાથી આકર્ષિત કરતું આ પ્લેનેટોરીયમની મુલાકાત કોર્પોરેશનની સંચાલિત શાળામાં કરવા મળે છે. તેવી સુવિધાઓ ખાનગી શાળાઓમાં પણ ઉપલબ્ધ નથી.

આ પણ વાંચો:- વિષ્ણુનો દસમો અવતાર હોવાનો દાવો, ગ્રેજ્યુટી ન મળતાં દુકાળ પડવાની આપી ચેતાવણી

બાળકો સ્કૂલમાં રમી શકે તે માટે વિશાળ મેદાન, પાર્કિંગની સુવિધા અને સુવ્યવસ્થિત ઈન્ફ્રાસ્ટ્રક્ચર સાથે સ્કુલ તૈયાર કરાઈ છે. ભવિષ્યમાં વધુમાં વધુ સ્માર્ટ સ્કૂલ તૈયાર થાય તો ગરીબ અને સામાન્ય પરિવારના બાળકોને લાભ મળશે તે નિશ્ચિત છે. જો આવી વધુને વધુ શાળાઓ તૈયાર થશે તો ખાનગી શાળા તરફ વાલીઓનું વધતું આકર્ષણ ઘટશે અને બાળકો સારી તેમજ ઉચ્ચ સુવિધાઓ સાથે સરકારી શાળાઓમાં પણ અભ્યાસ કરી શકશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube