અવસર નાકિયાએ હારનું ઠીકરું ઈવીએમ પર ફોડ્યું

જસદણની ચૂંટણીમાં ફરી એકવાર સાબિત થઈ ગયું કે, ગુરુ એ ગુરુ જ હોય છે. ચૂંટણી પ્રચારમાં ક્યાંક એવું લાગતુ હતું કે, કુંવરજી બાવળીયામાં જીતનો અહંકાર દેખાઈ રહ્યો છે. પરંતુ 19 રાઉન્ડમાં હાથ ધરાયેલી મત ગણતરીમાં નાકિયાને તેમણે ક્યાંય આગળ જવા દીધા ન હતા. સમગ્ર દેશની નજર આ પેટાચૂંટણી પર હતી. રાજસ્થાન, મધ્ય પ્રદેશ અને છત્તીસગઢમાં જો કોંગ્રેસ હાર્યું હોત તો જરૂર તેમણે ઈવીએમ પર સવાલ ઉઠાવ્યો હતો. પરંતુ એ ત્રણેય રાજ્યોમાં કોંગ્રેસની જીત થઈ હતી. ત્યારે હવે જસદણની હારમાં કોંગ્રેસ ઉમેદવાર અવસર નાકિયાએ હારનું ઠીકરું ઈવીએમ પર ફોડ્યું છે. જોકે, તેમણે 16 રાઉન્ડ બાદ તરત જ પોતાની હાર સ્વીકારી લીધી હતી.