Kutch માં મોટી દુર્ઘટના બનતી અટકી, આર્મીના જવાનોની બોટ પેટ્રોલિંગ સમયે ઉંધી વળી ગઈ

આ પણ વાંચો : હરિભક્તો માટે દુખદ સમાચાર : સોખડાના હરિપ્રસાદ સ્વામી અક્ષરધામ નિવાસી થયા

આર્મીના જવાનો કોરી ક્રીકમાં સ્પીડ બોટ મારફતે પેટ્રોલિંગ કરી રહ્યા હતા. તે દરમિયાન દરિયો રફ થતાં અને પાણીમાં અચાનક વધારો થતાં સ્પીડ બોટ વજનમાં હલકી હોતા ઉંધી વળી ગઈ હતી અને તેમાં સવાર આર્મીના 6 જવાનો પાણીમાં પડ્યા હતાં. આ દરમિયાન આ વિસ્તારમાં પેટ્રોલિંગ કરી રહેલા બીએસએફના પેટ્રોલિંગ કરતા જવાનોએ આ દ્રશ્ય જોતા તેમને સ્પીડ બોટથી જઈને બચાવ્યા હતા. અને બોટથી કિનારે લાવી એમ્બ્યુલન્સ મારફતે હોસ્પિટલ લઈ જવાયા હતાં.

આ પણ વાંચો : પ્રદેશ મુજબ 5 દિવસ હરિપ્રસાદ સ્વામીના અંતિમ દર્શનની વ્યવસ્થા કરાઈ, 1 ઓગસ્ટે કરાશે અંતિમ સંસ્કાર

બીએસએફના જવાનો સમયસર બચાવ માટે પહોંચી જતાં મોટી દુર્ધટના બનતા અટકાવી હતી. આ સમગ્ર ઘટનામાં આર્મીના એક જવાનના પેટમાં પાણી જતાં તેને સારવાર આપવામાં આવી હતી. બીએસએફના જવાનો સમયસર બચાવ માટે પહોંચી જતાં મોટી દુર્ધટના બનતા અટકી હતી. બીએસએફ તરફથી જાહેર થયેલી સત્તાવાર યાદીમાં આ સમગ્ર ઘટના અંગે વિગત અપાઈ હતી. આ બચાવ કાર્યવાહી કરનારા પેટ્રોલિંગ પાર્ટીના કમાન્ડર ઇન્સ્પેક્ટર સંદીપને રૂપિયા 2000 અને ટીમના દરેક સભ્યોને 1000-1000 રોકડ પુરસ્કાર સીમા દળના ગુજરાતના વડા ઈન્સ્પેક્ટર જનરલ જી.એસ.મલિકે જાહેર કર્યા હતા.