ઓંકી જશો! જો તમે બહારનું ખાવાના શોખીન હોય તો ચેતી જજો, સેન્ડવીચમાંથી એવી વસ્તુ નીકળી કે...

આ અંગે મળતી માહિતી અનુસાર, અંકલેશ્વરમાં આવેલી ડિસેન્ટ હોટેલમાં એક ગ્રાહક દ્વારા સેન્ડવીચ ઓર્ડર કરવામાં આવી હતી. જ્યારે ગ્રાહક પાસે સેન્ડવીચ આવી ત્યારે તેમાં મંકોડા જોવા મળ્યા હતા. જે પછી ગ્રાહકે રોષ વ્યક્ત કર્યો હતો અને મેનેજરને રજુઆત કરી હતી. એટલું જ નહીં આ મામલે ફૂડ એન્ડ ડ્રગ્સ વિભાગને પણ રજુઆત કરવામાં આવી છે. વધુ એક ઘટના સામે આવતા જિલ્લા આરોગ્ય અને ફૂડ એન્ડ ડ્રગ્સ વિભાગની કામગીરી સામે પણ સવાલ ઉઠી રહ્યા છે. 

મહત્વનું છે કે, ભરૂચ જિલ્લામાં અવારનવાર આ પ્રકારના બનાવો બનતા રહે છે ત્યારે ફૂડ એન્ડ ડ્રગ વિભાગ જરૂરી કાર્યવાહી કરે એવી માંગ કરવામાં આવી છે. નોંધનીય છે કે અગાઉ પણ ભરૂચ અને અંકલેશ્વરમાં લોકોમાં આરોગ્ય સાથે ચેડા કરતી રેસ્ટોરન્ટની ઘટનાઓ સામે આવી ચુકી છે.