સાબરમતી શુદ્ધિકરણની માત્ર મસમોટી વાતો! નદીના પ્રદૂષણ મામલે ફરી એકવાર મહત્વપૂર્ણ ખુલાસા

ભારે વરસાદની ચેતવણી, હીટવેવથી મળ્યો છુટકારો, હવામાન વિભાગે આપ્યા ખુશીના સમાચાર

સાબરમતી નદીના પ્રદૂષણ મામલે ફરી એકવાર મહત્વના ખુલાસા થયા, જેમાં કોર્ટ મિત્રએ ગુજરાત હાઈકોર્ટમાં કરેલા સોગંદનામામાં ચોકાવનારી વિગતો સામે આવી છે. તેમાં કોર્ટને જણાવાયું છે કે, હજુ પણ ખાનગી સોસાયટીઓનું ગંદુ પાણી નદીમાં ઠલવાતું હોવાની વાત કરી છે. MEGA દ્વારા 7થી વધુ ગેરકાયદે કનેક્શનની માહિતી GPCB અને AMCને આપવામાં આવી છે. AMC અને GPCBની સંયુક્ત કામગીરીમાં 500 ગેરકાયદે કનેક્શન મળ્યા હોવાનો સ્વીકાર કરવામાં આવ્યો છે.

સ્ટેટ GST વિભાગનો ગુજરાતભરમાં સપાટો: 40 સ્થળો પર દરોડા પાડતા કરોડોની કરચોરી ઝડપાઇ

STP પ્લાન્ટમાંથી ટ્રીટ કરાયેલા પાણી મુદ્દે પણ મહત્વનો ખુલાસો થયો છે. જેમાં જાણવા મળ્યું છે કે, 14 STP પ્લાન્ટમાંથી ટ્રીટ કરાયેલ પાણીના 50% નમૂના ફેલ રહ્યા છે. અમદાવાદ મ્યુનિસિપલ કમિશનર દ્વારા STP પ્લાન્ટમાં ઓચિંતી મુલાકાત દરમિયાન આ હકીકતો સામે આવી છે. વિંઝોલમાં ₹.103 કરોડનાં ખર્ચે તૈયાર કરાયેલા STP પ્લાન્ટમાં અનેક ગેરરીતિઓ સામે આવી હોવાનો પણ ઘટસ્ફોટ થયો છે. જરૂરી સ્ટાન્ડર્ડ મુજબ કામ ન થયું હોવાથી AMCએ કોન્ટ્રાકટરને 5.71 કરોડનો દંડ પણ ફટકાર્યો છે. દૂષિત પાણીના ઈન ફ્લો અને આઉટ ફલો પેરામીટર ન જાળવવા બદલ ઓપરેટરને 1.25 કરોડનો દંડ ફટકારાયો છે. જરૂરી માણસો રાખી યોગ્ય દેખરેખ ન રાખવા બદલ ઓપરેટરને પણ 44.86 લાખનો દંડ ફટકારાયો છે.

જામનગરમાં જર્જરિત બિલ્ડિંગે ત્રણનો ભોગ લીધો; પતિ-પત્ની અને બાળકનું મોત, 5 ઈજાગ્રસ્ત

તમામ STP પ્લાન્ટને હાજર કર્મીઓની હાજરીનું રજીસ્ટર સહિત તમામ જરૂરી ડેટાની વિગતો તૈયાર કરવા સૂચના આપી હતી. સૂચના આપ્યા બાદ મ્યુનિસિપલ કમિશનરે પીરાણા પ્લાન્ટની ઓચિંતી મુલાકાત કરી હતી. 180 MLD પ્લાન્ટની મુલાકાત દરમિયાન મોટા ભાગના કર્મચારી ગેરહાજર નીકળ્યા હતા. પ્રોજેક્ટ મેનેજર, ઓપરેટર અને ટેકનીશિયન સહિતના કર્મચારીઓ ગેરહાજર હતા. આ પ્રકારની ઘટના બાદ DNB ઈન્ફ્રાસ્ટ્રક્ચર સામે વિજિલન્સ તપાસના આદેશ આપ્યા હતા.

જાણવા જેવો કિસ્સો! શરીરસુખ માણ્યા બાદ નક્કી કરેલા રૂપિયાની માંગણી કરતા હેતલને મળ્યું

GPCB એ પણ અમદાવાદના 9 પ્લાન્ટને શો કોઝ્ નોટિસ ફટકારી છે. સાબરમતી નદીમાં સ્ટ્રોમ વોટર લાઈન મામલે પણ ગંભીર બેદરકારી સામે આવી છે. જેમાં રહેણાંક અને ઔદ્યોગિક એકમો દ્વારા સતત પાણી ઠલવાતું હોવાની રજૂઆત કરવામાં આવી છે. રિવરફ્રન્ટ પર કામ કરતી એજન્સી રણજીત બિલ્ડકોન દ્વારા નદી પાસે ગેરકાયદે સેસ પુલ બનાવ્યા હોવાનો ખુલાસો થયો છે. 

અંબાલાલ પહેલીવાર ખોટા પડ્યા! પણ વરસાદની આ આગાહી સાચી ઠરી તો ગુજરાતના નીકળશે છોતરા!

સેસ પુલનાં કારણે જમીન નીચેના કુદરતી જળને નુકસાન થતું હોવાનો આક્ષેપ કરવામાં આવ્યો છે. આ બાબતે સાબરમતી રિવરફ્રન્ટ ડેવલમેન્ટ ઓથોરિટી અને રણજીત બીલ્ડકોન સામે પગલાં લેવા અરજીમાં માંગ કરાઈ છે. કોર્ટ મિત્રએ પૂરતા લોકેશન અને ફોટોગ્રફ્સ પણ ગુજરાત હાઇકોર્ટના રેકોર્ડ પર મુક્યા છે.

રથયાત્રાની સ્પેશિયલ-56 ટીમની ચારેબાજુ પ્રશંસા! 72 પરિવારના ચહેરા પર સ્મિત રેલાવ્યું!