અમદાવાદમાં વહેલી સવારે વરસાદી માહોલ, ચાંદખેડા વિસ્તારમાં 1 કલાકમાં 1 ઈંચ વરસાદ

અમદાવાદના ચાંદખેડા વિસ્તારમાં વહેલી સવારે 1 કલાકમાં 1 ઈંચ વરસાદ ખાબક્યો છે. જ્યારે ગોતા અને સાયન્સ સીટી તરફ પણ અડધો ઈંચ વરસાદ પડ્યો છે. નવા વાડજ વિસ્તારમાં અગિયારસ માતાના મંદિર પાસે ઝાડ ધરાશાયી થયું છે. જો કે, ગઈકાલે પણ અમદાવાદમાં ધોધમાર વરસાદ પડ્યો હતો, ત્યારે આજે સવારથી ફરી અમદાવાદમાં વરસાદી માહોલ સર્જાયો છે અને હવામાન વિભાગે આગાહી કરી છે કે અમદાવાદમાં હજુ ત્રણ દિવસ ભારે વરસાદ પડી શકે છે.

નવરાત્રિ માટે ખેલયાઓ તૈયાર, શેરી ગરબામાં આકર્ષણનું કેન્દ્ર બનશે આ ભારે ભરખમ પાઘડી

ઉલ્લેખનીય છે કે, ગુજરાતમાં હજુ પણ 4 દિવસ ભારે વરસાદની આગાહી હવામાન વિભાગ દ્વારા કરવામાં આવી છે. હવામાન વિભાગ દ્વારા આજે દક્ષિણ ગુજરાતમાં ભારે વરસાદની આગાહી કરવામાં આવી છે. દક્ષિણ ગુજરાતમાં વલસાડ, નવસારી, દમણ, સુરત અને તાપી સહિતના જિલ્લાઓમાં ભારે વરસાદની આગાહી કરવામાં આવી છે.

વરસાદે લોકોના હાલ કર્યા બેહાલ, અમદાવાદ-ગાંધીનગર સહિત રાજ્યમાં મેઘરાજાની તોફાની બેટિંગ; ભારેથી અતિભારે વરસાદની આગાહી

તો બીજી તરફ આવતી કાલે સૌરાષ્ટ્રના મોટાભાગના વિસ્તારોમાં ભારે વરસાદ પડી શકે છે. સૌરાષ્ટ્રના મોરબી, રાજકોટ, સુરેન્દ્રનગર, પોરબંદર, અમરેલી, જૂનાગઢ, જામનગર, ભાવનગર, ગીર સોમનાથ અને દેવભૂમિ દ્વારકા સહિતના જિલ્લાઓમાં વરસાદની આગાહી કરવામાં આવી છે.

મુન્દ્રા પોર્ટ ડ્રગ્સ કાંડમાં ઇરાની શખ્સની ધરપકડ, હેરોઈન મામલે 9 વ્યક્તિની અટકાયત

જ્યારે સાબરકાંઠા, ગાંધીનગર અને આણંદ આ ઉપરાંત દીવ, દમણ અને દાદરાનગર હવેલીમાં પણ વરસાદની આગાહી કરવામાં આવી છે. જો કે, ભારે વરસાદને પગલે NDRF અને SDRF ટીમ સ્ટેન્ડ બાય પર રાખવામાં આવી છે. આ સાથે માછીમારોને 4 દિવસ દરિયો ન ખેડવા સૂચના આપવામાં આવી છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube