જુહાપુરામાં અસામાજિક તત્વોએ દુકાનમાં ઘૂસી કર્યો હુમલો, સમગ્ર ઘટના CCTVમાં થઇ કેદ

જુહાપુરાના અંબર ટાવર સામે આવેલી મોટી બેકરીની બાજુમાં રોયલ પાર્લર આવેલું છે. જેમાં બે દિવસ અગાઉ કેટલાક અસામાજિક તત્વો કોઈ વસ્તુ ખરીદી કરવા આવ્યા હતા. જે દરમિયાન દુકાનમાં રહેલા કારીગરોએ તેમના પાસે ખરીદી કરેલી વસ્તુના ૭૦ રૂપિયાની માગણી કરી હતી. પૈસા આપવાના બદલે તેઓએ કારીગરો સાથે રકઝક કરી હતી અને દુકાનના સ્ટાફને પહેલા તો ઢોરમાર માર્યો હતો. 

ત્યારબાદ એક શખ્સે એક દુકાનમાં રહેલા એક યુવક પર છરી વડે હુમલો કર્યો હતો. આ હુમલામાં યુવાનને ઈજાઓ પહોંચી હતી. આ મારામારી સ્ટોરમાં રહેલા CCTV કેમરામાં કેદ થઇ ગઈ હતી. હાલ સમગ્ર મામલે યુવાને આ અસામાજિક તત્વો સામે વેજલપુર પોલીસ મથકમાં ફરિયાદ નોધાવી છે. ફરિયાદના આધારે પોલીસે આરોપીઓને ઝડપી પાડવા ચક્રો ગતિમાન કર્યો છે.