અમદાવાદ: અમરાઇવાડીમાં ત્રણ માળનું મકાન ધરાશાયી, 2 વ્યક્તિના મોત

પ્રાપ્ત માહિતી અનુસાર, શહેરના અમરાઇવાડી વિસ્તારમાં બંગલાવાળી ગલીમાં આવેલું એક જર્જરીત મકાન એકાએક ધસી પડ્યું હતું. આ ઘટનાને પગલે આસપાસના મકાનો પણ ખાલી કરાવી દેવામાં આવ્યા છે. જ્યાં આ મકાન આવેલું છે એ ગલી સાંકડી હોવાથી બચાવ કામગીરીમાં પણ ભારે મુશ્કેલી પડી રહી છે. તો સાથે સાથે સ્થાનિક લોકો પણ બચાવ કામગીરીમાં જોડાઇ ગયા છે.

જો કે, આ કાટમાળમાં 7 લોકો દટાયા હતા જેમાંથી ફાયર ટીમ દ્વારા 4 લોકોને બચાવીને સારવાર માટે એલજી હોસ્પિટલ ખસેડવામાં આવ્યા છે. ત્યારે આ ઘટનામાં બે વ્યક્તિઓના મોત થયા છે અને તેમના મૃતદેહોને પીએમ અર્થે ખસેડવામાં આવ્યા છે. તો આ મકાનના કાટમાળમાં હજી પણ 1 વ્યક્તિ દટાયા હોવાનું સામે આવી રહ્યું છે. જેને લઇને ફાયર ટીમ દ્વારા યુદ્ધના ધોરણે બચાવ કામગીરી ચલાવવામાં આવી રહી છે.

અમરાઇવાડી વિસ્તારમાં એકાએક મકાન ધરાશાયી થવાની આ ઘટનાને પગલે આસપાસના લોકો દોડી આવતા બચાવ કામગીરીમાં ભારે મુશ્કલી પડી રહી હતી. જો કે, ઘટનાની જાણ થયા બાદ ઘટના સ્થળે પહોંચા પોલીસ કાફલાએ ભીડ પર કાબૂ મેળવ્યો હતો. 

જુઓ Live TV:-

ગુજરાતના અન્ય સમાચાર વાંચવા માટે અહીં ક્લિક કરો...