રાજેન્દ્ર ઠક્કર: કચ્છમાં ખેડૂતોએ બાગાયતી ખેતી ક્ષેત્રે અવનવા પ્રયોગ કરી ક્યારે વિચારી ન શકાય તેવા ફળ આ સૂકા વિસ્તારમાં ઉગાડી દેખાડ્યા છે. બાગાયતી પાકોમાં મોટા પ્રમાણમાં ખેડૂતોએ દાડમની ખેતી શરૂ કરી હતી અને કચ્છને દાડમનો હબ બનાવ્યો હતો. તો હવે જિલ્લાના અનેક ખેડૂતો તાઇવાન પિંક જામફળની ખેતી તરફ વળ્યા છે અને જમ્બો સાઈઝના આ ગુલાબી જામફળ વાવી મોદીજીના સ્વપ્ન ખેડૂતની આવક બમણી થાય અને આત્મનિર્ભર બનીને લાખોની કમાણી કરી રહ્યા છે.
ગુજરાતનું એક અનોખુ મંદિર! આજે અહીં મિનરલ વોટર ચઢાવવાથી થાય છે દરેક મનોકામના પૂર્ણ!
શિયાળામાં બજારોમાં જામફળની મબલખ આવક થતી હોય છે. સમગ્ર દેશમાં એક સાથે દેશી જામફળનો માલ બજારોમાં આવતા તેના ભાવ ખૂબ ઓછા રહે છે. પરંતુ તાઇવાન પિન્ક નામની આ જામફળની પ્રજાતિ એવી છે કે વર્ષના કોઈ પણ સીઝનમાં ખેડૂતો તેનો પાક લઈ શકે છે. આ થકી ઓફ સીઝનના કારણે ખેડૂતોને પોતાના પાકના મો માગ્યા ભાવ મળી રહે છે.
મહાકાળીના ભક્તો માટે મોટા સમાચાર! હવે પાવાગઢમાં સેકન્ડોમાં માતાજીના દ્વારે પહોંચાશે
કચ્છના ભુજ તાલુકામાં અનેક ખેડૂતોએ આ ગુલાબી જામફળની ખેતી શરૂ કરી છે. અન્ય દેશી જામફળનું હાર્વેસ્ટીંગ હજુ શરૂ થયું છે ત્યારે આ તાઇવાન પિંક જામફળનું હાર્વેસ્ટીંગ પૂર્ણ થઈ બજારમાં મળતા શરૂ થઈ ગયા છે. આ કારણે જ જ્યાં દેશી જામફળના પ્રતિ કિલો રૂ. 20 થી 30 ખેડૂતોને મળતાં હોય છે ત્યારે આ ગુલાબી જામફળના ખેડૂતોને કિલો દીઠ રૂ. 50 થી લઈને 130 સુધી મળી રહે છે. તો વળી આ વેરાયટી ના જામફળમાં એક એક ફળ 500 ગ્રામથી લઈને 1000 ગ્રામ સુધીના મળે છે.
ગુજરાત સરકારના નિયમોની ઐસીતૈસી! આ સ્કૂલે તો ભારે કરી! બંડી જેવા સ્વેટરમાં...'
ખેડૂતોએ જણાવ્યું હતું કે, જેમાં એકર દીઠ પાંચથી છ ટન માલ ખેડૂતોને મળી રહ્યું છે. તો વળી આ જામફળને કોઈ પણ પ્રકારના પેસ્ટીસાઇડ અથવા જંતુનાશક દવાની જરૂર પણ ન પડતા આ સંપૂર્ણપણે ઓર્ગેનિક ખેતી વડે તૈયાર થાય છે. જો કે, જામફળ પર જીવાત ન લાગે તે માટે ફૂલના ફૂટવાથી જ તેના પર પ્લાસ્ટિકની થેલી ચડવવામાં આવે છે. તેના 30 થી 35 દિવસ બાદ ફળ પાકીને પૂર્ણ આકારમાં આવતા તેના પરથી થેલી ઉતારવામાં આવે છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે