બોર્ડની પરીક્ષામાં એક વિદ્યાર્થિનીની તબીયત લથડી, 108ની ટીમે પરીક્ષાખંડમાં સારવાર આપી પેપર પૂરુ કરાવ્યું

શું છે સમગ્ર ઘટના
ધોરણ 10માં સંસ્કૃત વિષયની પરીક્ષા ચાલી રહી હતી. આ દરમિયાન આજરોજ ભેંસાણ તાલુકાની ભગવતી સ્કૂલમાં એક વિદ્યાર્થિનીને ચાલું પરીક્ષા દરમિયાન ચક્કર આવી ગયા હતા. ત્યારબાદ 108ની ટીમને કોલ કરવામાં આવ્યો હતો. 108ની ટીમ આ કોલ આવતા સ્થળ પર પહોંચી હતી. 108ની ટીમમાં હાજર મહિલાએ આ વિદ્યાર્થિનીને પરીક્ષા ખંડમાં જ સારવાર આપી હતી. 

આ પણ વાંચોઃ દરિયાઈ પટ્ટી પર કોઈપણ પ્રકારની ગેરકાયદેસર પ્રવૃત્તિ ચલાવી લેવાશે નહીંઃ મુખ્યમંત્રી

વિદ્યાર્થિનીને ચાલું પરીક્ષામાં ચક્કર આવી જતાં શિક્ષકો પણ ચિંતામાં મુકાયા હતા. પરંતુ 108ની ટીમે પરીક્ષાખંડમાં વિદ્યાર્થિનીને સારવાર આપી તેનું પેપર પૂર્ણ કરાવ્યું હતું. 108ની ટીમની મદદને કારણે આ વિદ્યાર્થિનીનું વર્ષ બગડતા બચી ગયું હતું. વિદ્યાર્થિનીની સારવાર મળ્યા બાદ તેની તબીયતમાં સુધારો થયો હતો. શિક્ષકોએ પણ આ 108ની ટીમની કામગીરીની પ્રશંસા કરી હતી. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube