ઉદય રંજન/અમદાવાદ: ગુજરાત એટીએસને અમદાવાદ એરપોર્ટ પરથી 4 ISISના આતંકીઓ ઝડપી પાડીને મોટી સફળતા હાથ લાગી છે. ચારેય આંતકી મૂળ શ્રીલંકાના વતની હોવાનો ખુલાસો થયો છે. આ સંદર્ભે ડીજી વિકાસ સહાયે પ્રેસ કોન્ફરન્સમાં કરીને આતંકીઓ વિશે વિગતવાર માહિતી આપી છે. આતંકી સંગઠન સાથે જોયેલા શખ્સોની અમદાવાદ એરપોર્ટ પરથી ધરપકડ કરાતા ખળભળાટ મચી જવા પામ્યો છે. હાલ આરોપીઓની વધુ તપાસ શરૂ કરાઈ છે.
વિકાસ સહાયે કહ્યું હતું કે અમને નુસરત, ફરીશ, સહિતના ચાર લોકો આવવાના હતા એવી બાતમી મળી હતી. જેઓ ગુજરાત સહિત ભારતમાં આતંક ફેલાવવા આવવાના છે અને 18મી અને 19મીએ આવવાના છે અને રેલવે અથવા હવાઈ માર્ગે આવશે એવી માહિતી ગુજરાત એટીએસને મળી હતી. જેના કારણે અમે અલગ અલગ ટીમ બનાવી અને દક્ષિણ તરફથી આવતા લોકોની માહિતી ભેગી કરી હતી. ટ્રેન અને પ્લેનમાં આવતા તમામ પેસેન્જરની એક લિસ્ટ બનવવામાં આવી હતી. આ કામ કરતા કરતા એક ટીમને મોટી સફળતા મળી હતી અને અમને ચાર લોકોની માહિતી મળી હતી.
વિકાસ સહાયે વધુમાં જણાવ્યું હતું કે, ISISના ચારેય આતંકીઓ ગઈ કાલ સાંજે ઇન્ડિગો ફલાઇટમાં આવ્યાં હતા. કોલંબોથી પણ ખરાઈ કરવામાં આવી હતી. ચારેય આતંકીઓ કોલંબોથી ચેન્નાઇ આવાનાં છે એ માહિતી અમારી પાસે હતી. આ ચાર લોકો 19 મીએ સવારે ત્રણ વાગે ચેન્નાઈ પહોંચ્યા ત્યાંથી 8 વાગે અમદાવાદ આવ્યા હતા. જેમણે એરપોર્ટેથી ડિટેન કરવામાં આવ્યા હતા. ચારેય આરોપીઓને અંગ્રેજી કે હિન્દી આવડતું નથી અને તેઓ તમિલ બોલી રહ્યા છે. જેમની પૂછપરછમાં આ ચાર લોકો નુસરત ઉંમર 33, ફરીશ 35, નફરાન 27, રશદીન 43 હોવાનું જણાવ્યું છે. તમામ આરોપીઓ મૂળ કોલંબોના રહેવાસી છે. એમના પાસેથી બે મોબાઇલ, ચાર પાસપોર્ટ અને શ્રીલંકા અને ભારતનું ચલણ મળી આવ્યું છે. એટલું જ નહીં, તેમની બેગમાંથી ISISનો ઝંડો પણ મળી આવ્યો છે.
વધુમાં જાણવા મળી રહ્યું છે કે, ચારેય આતંકીઓને અબુ આઈએસના હેન્ડલ છે. અબુએ આ ચાર લોકોને ભારતમાં આતંકી કૃત્યું કરવા કહ્યું હતું. સુસાઈડ બોમ્બર તરીકે કામ કરવા તૈયાર થયા હતા અને બદલામાં શ્રીલંકા ચલણમાં 4 લાખ આપ્યા છે. બે phone, વિડિયો અને ફોટો મળ્યા છે. નાના ચિલોડા પાસે પાકિસ્તાન હેન્ડલ એ હથિયાર લઈને મુક્યા હતા, જે ત્યાંથી લેવાના હતા. જેના ફોટો પણ મોકલવામાં આવ્યા હતા. પોલીસે હથિયાર પણ કબ્જે કર્યા છે, જેમાં ત્રણ પિસ્તોલ છે. 20 કારતૂસ મળી આવ્યા છે અને લોડેડ હતા.
સૂત્રોના જણાવ્યા અનુસાર, પાકિસ્તાનના એજન્ટોએ તેમને કેટલાક હથિયારો આપવાનું વચન આપ્યું હતું. આ આતંકવાદીઓ અમદાવાદમાં હુમલામાં આ હથિયારોનો ઉપયોગ કરવાના હતા, પરંતુ એટીએસએ પહેલા જ તેમને પકડી લીધા હતા. આ આતંકવાદીઓ કથિત રીતે શ્રીલંકાથી ચેન્નાઈ થઈને અમદાવાદ પહોંચ્યા હતા.
એટીએસ દ્વારા ચાર આતંકીઓની ધરપકડ બાદ ગૃહરાજ્ય મંત્રી હર્ષ સંઘવીએ એટીએસને અભિનંદન આપ્યા છે. હર્ષ સંઘવીએ ટ્વીટ કરીને કહ્યું કે ડ્રગ્સ માફીયા કે આતંકીઓ સામે ગુજરાત પોલીસ સક્ષમ. ગુજરાત ATS સતર્કતા અને શૌર્ય સાથે ગુજરાત સહિત દેશની રક્ષા કરવા માટે નિરંતર કટિબદ્ધ છે!
Whether the fight is against drug mafias or terrorism, the Gujarat police are delivering a strong response.
The Gujarat Police & ATS team is continually committed to defending Gujarat and the nation with vigilance and bravery.
Their recent detention of four Islamic State… pic.twitter.com/QY9NvH1T0t
— Harsh Sanghavi (Modi ka Parivar) (@sanghaviharsh) May 20, 2024
આજરોજ ગુજરાત ATS દ્વારા અમદાવાદ એરપોર્ટ પરથી મૂળ શ્રીલંકન એવા મહમદ નુસરત, મહમદ નફરન, મહમદ ફરિસ, મહમદ રસદીન નામક ચાર આતંકવાદીની ધડપકડ કરવામાં આવી છે. ગુજરાત ATS ની સમગ્ર ટીમને ખૂબ ખૂબ અભિનંદન અને શુભકામનાઓ, ડ્રગ્સ માફિયાના વિરુદ્ધમાં લડત હોય કે પછી આતંકવાદ સામે, ગુજરાત પોલીસ તેની હિંમત અને નીડરતાથી બધાનો જડબાતોડ જવાબ આપી રહી છે.
અગાઉ, 6 મે, 2024 ના રોજ અમદાવાદની 36 શાળાઓને બોમ્બથી ઉડાવી દેવાની અને 12 મેના રોજ અમદાવાદ એરપોર્ટને બોમ્બથી ઉડાવી દેવાની ધમકીનો ઈ-મેલ મળ્યો હતો. જો કે તપાસ દરમિયાન કોઈપણ શાળામાંથી કોઈ વાંધાજનક વસ્તુ મળી ન હતી. એરપોર્ટ પર બોમ્બ હોવાની વાત પણ અફવા જ નીકળી હતી. આ કેસમાં અમદાવાદ ક્રાઈમ બ્રાન્ચે દાવો કર્યો છે કે પાકિસ્તાનથી ધમકીભર્યા ઈ-મેલ મોકલવામાં આવ્યા હતા.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે