સફળતાની ઉજવણી બાદ, ''મેડ ઇન હેવન 2'' માટે કામ પર પરત ફરી ઝોયા અખ્તર!

ફિલ્મ નિર્માતાએ પોતાના ઇંસ્ટાગ્રામ એકાઉન્ટ પર ટાઇપરાઇટરનો એક ફોટો શેર કરતાં લખ્યું,"Back to work #day 1 #writersroom #madeinheaven #season2 #herewego” @reemakagti પોતાની તાજેતરની આઉટિંગના લીધે ફિલ્મ નિર્માતાના રૂપમાં ઉંડી છાપ છોડનાર, ઝોયા અખ્તરે પોતાના નવા પ્રોજેક્ટ સાથે અપેક્ષાના સ્તર પર એક પગથિયું ઉપર કરી દીધું છે. 

ઝૂંપડપટ્ટીમાંથી એક રેપર ઉદયની કહાનીને પડદા પર રજૂ કરતાં બ્લોકબસ્ટર હિટ ગલી બોય વાસ્તવિક જીવનના રેપર્સ ડિવાઇન અને નેજીથી પ્રેરિત હતી. મેડ ઇન હેવન પણ સમકાલીન સમયમાં સૌથી વધુ પસંદ કરવામાં આવતી વેબ સિરીઝ બની ગઇ છે. બંને કંટેટને મોટાપાયે તેની અનોખી કથાનક અને પ્રભાવશાળી પાત્ર માટે વખાણવામાં આવી છે અને બે શાનદાર વાર્તાઓ પાછળ સ્પષ્ટ રીતે જોયા અખ્તરનો હાથ છે.

ઝોયા અખ્તર જે પોતાની ગત રિલીઝ લક બાય ચાન્સ, જિંદગી ના મિલેગી દોબાર અને દિલ ધડકને દો સાથે પોતાના સમયથી એક પગલું આગળ રહી છે, તે હવે ''ગલી બોય''ની સાથે બોક્સ ઓફિસ ધૂમ મચાવી રહી છે. ચાર ફીચર ફિલ્મ, બે શોર્ટ ફિલ્મ અને એક વેબ સિરીઝના સફર સાથે, જોયા અખ્તર તે અગ્રણી ફિલ્મ નિર્માતાઓમાંથી એક છે જેમણે મનોરંજન ઉદ્યોગમાં પોતાનું એક સ્થાન બનાવી લીધું છે.