કેન્સર સામે ઝઝૂમી રહેલી સોનાલી બેન્દ્રે સામે આવી વધુ એક મુસીબત

 ન્યૂયોર્કમાં કેન્સરની સારવાર કરાવી રહેલી અભિનેત્રી સોનાલી બેન્દ્રે બહલનું કહેવું છે કે, કીમો થેરાપીને કારણે તેને જોવામાં થોડી તકલીફ થઈ રહી છે. જેને કારણે તે યોગ્ય રીતે પુસ્તક વાંચી નથી શકી રહી. સોનાલીએ શુક્રવારે સાંજે એક પુસ્તક સાથે પોતાની તસવીર શેર કરતા લખ્યું કે, હવે આગામી પુસ્તકના એનાઉન્સમેન્ટનો સમય છે. ગત પુસ્તકે થોડો સમય લીધો. કારણ કે, કીમો થેરેપીને કારણે મારી આંખમાં અજબ તકલીફ થઈ રહી છે અને આ કારણે હું યોગ્ય રીતે વાંચી નથી શક્તી. થોડી ડરી ગઈ છું, પણ હવે બધુ સારું છે.