મુંબઈ : રિયાલિટી શો 'ઝલક દિખલા જા'ની રનર અપ સાબિત થયેલી ટીવી એક્ટ્રેસ શ્વેતા સાળવે હાલમાં પોતાના પરિવાર સાથે ગોવામાં રજાઓ ગાળી રહી છે. હાલમાં તેણે પોતાની વાઇન અને સિગારેટ પીતી સિગરેટ શેયર કરી હતી. શ્વેતા તેની આ તસવીરોને કારણે ટ્રોલ થઈ હતી. 'હિપ હિપ હુર્રે'ની એક્ટ્રેસને કેટલાક લોકોએ આ તસવીર બદલ ટ્રોલ કરી હતી અને તેને ગંદી મા કહી દીધી હતી.
શ્વેતા સાળવેએ આ પોસ્ટનો જવાબ આપતા ઇન્સ્ટાગ્રામ પર એક લાંબી પોસ્ટ લખી છે અને ટ્રોલર્સને તમતમતો જવાબ આપ્યો છે.
શ્વેતાએ ટ્રોલર્સને સવાલ કર્યો છે કે શું સ્મોકિંગ અને ડ્રિન્કિંગ મને ગંદી મા બનાવે છે? મેં ક્યારે મારી જિંદગી બરબાદ કરી છે કે પોતાના બાળક પ્રત્યે બેદરકારી દાખવી છે. હું અત્યંત વ્યસ્ત રહું છું અને સાથેસાથે તમામ જવાબદારી પણ ઉપાડું છું. મારા માતા-પિતા પણ સિગારેટ અને શરાબ પીતા હતા પણ તેમણે મને અને મારા ભાઈનો યોગ્ય ઉછેર કર્યો છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે