)
મુંબઈ : જાન્હવી કપૂરની પહેલી ફિલ્મ ‘ધડક‘ થિયેટર્સમાં ધમાલ મચાવી રહી છે. આ ફિલ્મમાં જાન્હવીની સાથે ઇશાન ખટ્ટર કામ કરી રહ્યો છે અને ડિરેક્શનની જવાબદારી શશાંક ખૈતાને સંભાળી છે. આ ફિલ્મ પાંચ દિવસ પહેલાં થિયેટરમાં રિલીઝ થઈ છે અને એણે 39.19 કરોડ રૂ. કરતા વધારે બિઝનેસ કરી લીધો છે. આ ફિલ્મને દર્શકોનો સારો પ્રતિભાવ મળ્યો છે અને લોકોને ઇશાન-જાન્હવીની એક્ટિંગ તેમજ કેમિસ્ટ્રી પસંદ પડી છે.
'ધડક'ને ધર્મા પ્રોડક્શન હેઠળ બનાવવામાં આવી છે. આ ફિલ્મનું શૂટિંગ મુંબઈ તેમજ કોલકાતા અને ઉદયપુરમાં થયું છે. ફિલ્મમાં ઇશાનના મિત્રોનો રોલ ભજવનાર અંકિત બિષ્ટ તેમજ શ્રીધર વત્સરને પણ લોકો પસંદ કરી રહ્યા છે. હાલમાં તો આશા છે કે ધડક પહેલા અઠવાડિયામાં 50 કરોડ રૂ.ની કમાણી કરી લેશે. આ ફિલ્મ તો લોકોને ગમી જ છે પણ તેનો અંત મોટાભાગના લોકોને ચોંકાવનારો અને શોકિંગ લાગ્યો છે.
આવતા મહિને બોલિવૂડમાં બીજી અનેક નવી ફિલ્મો રિલીઝ થવાની છે આવામાં 'ધડક'નું બોક્સઓફિસ કલેક્શન સ્ટાર્સના ધબકારા વધારી દેશે. 'ધડક' દિવંગત એક્ટ્રેસ શ્રીદેવીની દીકરી જાન્હવીની પહેલી ફિલ્મ છે અને તે આ ફિલ્મ માટે બહુ ઉત્સાહિત છે. ઇશાનની પણ મેઇનસ્ટ્રીમ સિનેમામાં આ પહેલી ફિલ્મ છે. ફિલ્મ 'ધડક' મધુ (ઇશાન ખટ્ટર) તેમજ પાર્થવી (જાન્હવી કપૂર)ની લવસ્ટોરી છે. ફિલ્મમાં મધુ સામાન્ય પરિવારનો દીકરો છે જ્યારે પાર્થવી વગદાર રાજકારણીની દીકરી. તેમની વચ્ચેની લવસ્ટોરી તેમના જીવનમાં બહુ ઉહાપોહ મચાવીને વળાંક લાવી દે છે. આ ફિલ્મનો અંત ભારે ચોંકાવનારો છે. અંતમાં શું થાય છે એ જાણવા માટે થિયેટર્સ સુધી લાંબું થવું પડશે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
