sara ali khan engagement: સૈફ અલી ખાન અને તેમની એક્સ વાઇફ અમૃતા સિંહની પુત્રી સારા અલી ખાન બોલીવુડના યંગ સ્ટાર્સમાં સામેલ છે. તેમણે ખૂબ ઓછા સમયમાં પોતાને હિંદી ફિલ્મ ઇંડસ્ટ્રીમાં સ્થાપિત કરી લીધી છે. આમ તો સારા અલી ખાન પોતાની લવ લાઇફને લઇને ખૂબ ચર્ચામાં રહે છે. તેમનું નામ કાર્તિક આર્યનથી માંડીને ક્રિકેટર શુભમન ગિલ સાથે જોડાઇ ચૂક્યું છે. આ દરમિયાન સમાચાર આવ્યા છે કે સારાએ પોતાનો હમસફર સિલેક્ટ કરી લીધો છે અને તે ખૂબ જલદી લગ્ન કરશે.
સોશિયલ મીડિયા પ્લેટફોર્મ રેડિટ પર એક પોસ્ટ આગની માફક વાયરલ થઇ રહી છે. જેમાં દાવો કરવામાં આવ્યો છે કે સારા અલી ખાનની અમીર બિઝનેસમેન સાથે સગાઇ થઇ ગઇ છે અને હવે તે આ વર્ષે લગ્ન કરી લેશે. પોસ્ટમાં લખ્યું છે કે સારા અલી ખાન સગાઇ કરી ચૂકી છે અને તે આ વર્ષે લગ્ન કરશે. તે ખૂબ જલદી મેટ્રો હાલમાં શૂટિંગ પુરૂ કરશે. તેમણે કોઇ નવી ફિલ્મ સાઇન કરી નથી. તે જલદી જ પોતાના લગ્નની તૈયારીઓમાં લાગી ગઇ છે.
સારા અલી ખાનને પરિવારે આપી મંજૂરી?
પોસ્ટમાં એ પણ દાવો કરવામાં આવ્યો છે કે જે વ્યક્તિ સાથે સારા અલી ખાન લગ્ન કરવાની છે, તે તેમને ખૂબ પ્રેમ કરે છે. સારા ખૂબ જ ખુશ છે અને તેમની ફેમિલીએ પણ તેમના સંબંધને મંજૂરી આપી દીધી છે. જોકે આ દાવાને લઇને સારા અલી ખાન અથવા તેમના ફેમિલી તરફથી કોઇ રિએક્શન આવ્યું નથી.
સારા અલી ખાનનું કરિયર
તમને જણાવી દઈએ કે સારા અલી ખાને વર્ષ 2018માં ફિલ્મ 'કેદારનાથ'થી બોલિવૂડમાં એન્ટ્રી કરી હતી, જેમાં દિવંગત સ્ટાર સુશાંત સિંહ રાજપૂત પણ જોવા મળ્યો હતો. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. અભિષેક કપૂરના નિર્દેશનમાં બનેલી 'કેદારનાથ' કમાણીના મામલામાં એવરેજ સાબિત થઈ. વર્ષ 2023માં રિલીઝ થયેલી સારા અલી ખાનની 'ઝરા હટકે જરા બચકે' હિટ રહી હતી. આ સિવાય અભિનેત્રી OTT પર પણ તહેલકો મચાવી રહી છે. સારાની અગાઉની મર્ડર મિસ્ટ્રી ફિલ્મ 'મર્ડર મુબારક હો' ચર્ચામાં રહી હતી. આ ફિલ્મ નેટફ્લિક્સ પર રિલીઝ કરવામાં આવી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે