)
મુંબઈ : બોલિવૂડના સુપરસ્ટાર સલમાન ખાને તાજેતરમાં તાતા મેમોરિયલ હોસ્પિટલની મુલાકાત લીધી હતી. તે અહીં કેન્સર પીડિત એક નાના ફેનને તે મળ્યો હતો. આ નાનકડા ફેનને તેણે હસાવવાની કોશિશ કરી હતી. આ વીડિયોમાં સલમાન નાના બાળક સાથે વાત કરતો જોવા મળે છે. આ વીડિયો સોશિયલ મીડિયામાં વાઇરલ થયો છે. સલમાન ખાન તેના દયાળુ સ્વભાવ માટે જાણીતો છે. આ વીડિયો લેટેસ્ટ પુરાવો છે.
આ ઘટનામાં ગોવિંદ નામની વ્યક્તિએ સલમાનને તેની પત્નીના ભાણિયાને મળવાની રિક્વેસ્ટ કરી હતી. સલમાન પછી ગોવિંદની પત્નીના ભાણિયાની સાથેસાથે હોસ્પિટલના બીજા બાળકોને પણ મળ્યો હતો.
નોંધનીય છે કે સલમાન હવે એક નવા ફિલ્ડમાં એન્ટ્રી લેવાનો છે. મળતી માહિતી પ્રમાણે હવે કપિલના કોમેડી શોને સલમાનના પ્રોડક્શન હાઉસ દ્વારા પ્રોડ્યુસ કરવામાં આવશે. કપિલ આગામી મહિનાની 16 તારીખે શૂટિંગ શરૂ કરશે. અત્યાર સુધી કપિલ પોતાના બેનર દ્વારા શો બનાવતો હતો પણ હવે સમીકરણો બદલાઈ ગયા છે. એક રિપોર્ટ મુજબ, ફિલ્મ સિટીના આઠમા માળે કપિલના શો માટે એક સેટ પણ તૈયાર કરવામાં આવી રહ્યો છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
