Likes મામલે પહેલીવાર પ્રિયા વોરિયરને મળી ધોબી પછડાટ, આ ગીતને કર્યું Dislikes

ફિલ્મ ઓરુ ઓદાર લવનું બીજું ગીત હાલમાં જ રિલીઝ થઈ ગયું છે. હાલ આ ગીત યુટ્યુબ પર 19મા નંબર પર ટ્રેન્ડ કરી રહ્યું છે. પરંતુ આ ગીતને લોકોએ જેટલા પસંદ કર્યાં છે, તેના કરતા આઠ ગણા લોકોએ તેને ડિસલાઈક વધુ કર્યાં છે. આ ગીતને અત્યાર સુધી 33 હજાર લોકોએ લાઈક કર્યું છે. જ્યારે કે 2 લાખ 56 હજારથી વધુ લોકોએ તેને ડિસલાઈક કર્યું છે. આ વીડિયોને અત્યાર સુધી 20 લાખથી વધુ લોકો જોઈ ચૂક્યા છે. 

ઉલ્લેખનીય છે કે, વેલેન્ટાઈન ડે પર આવેલ પ્રિયા વોરિયરના એક ટીઝરે તેને રાતોરાત સ્ટાર બનાવી દીધી હતી. 18 વર્ષની આ એક્ટ્રેસ ઈન્ડસ્ટ્રીઝમાં આવતા પહેલા જ સેલિબ્રિટીઝ બની ગઈ હતી. એક જ દિવસમાં તેના 6 લાખથી વધુ ફોલોઅર્સ બની ગયા હતા, અને આ રેકોર્ડ સર્જનાર પ્રિયા પ્રકાશ દુનિયાની ત્રીજી સેલિબ્રિટી બની હતી. ત્યારે હવે તેના ફેન્સ તેની પહેલી ફિલ્મ ઓરુ ઓદાર લવની રિલીઝની રાહ જોઈ રહ્યાં છે.