નવી દિલ્હીઃ આયુષ્માન ખુરાનાની આવનારી ફિલ્મ ''ડ્રીમ ગર્લ' ખુબ ચર્ચામાં છે. ટ્રેલર જોઈને દર્શકો પોતાનું હાસ્ય રોકી શકતા નથી અને હવે ફિલ્મની આતુરતા પૂર્વક રાહ જોઈ રહ્યાં છે. ફિલ્મના ગીલ પહેલા રિલીઝ થઈ ગયા છે. હવે 'ડ્રીમ ગર્લ'નું નવુ ગીત 'ઢાગાલા લાગલી' રિલીઝ કરવામાં આવ્યું છે. ગણેશ ઉત્સવ પર શૂટ કરવામાં આવેલા ગીતમાં આયુષ્માન સિવાય રિતેશ દેશમુખ અને નુસરત ભારૂચા પણ દેખાઈ રહ્યાં છે.
'ડ્રીમ ગર્લ'નું ગીત 'દિલ કા ટેલિફોન' અને 'રાધે-રાધે' પહેલા જ ધમાલ મચાવી રહ્યાં છે. હવે ગીત 'ઢાગાલા લાગલી' પણ ખુબ પસંદ કરવામાં આવી રહ્યું છે. વીડિયોની શરૂઆતમાં રિતેશ આયુષ્માનને કહેતો જોવા મળી રહ્યો છે કે દરેક ફિલ્મનું પ્રમોશનલ સોન્ગ પંજાબીમાં હોય છે. આ વખતે મરાઠીમાં ટ્રાઈ કરો? ત્રણેય સ્ટાર્સ ગીતનો આનંદ માણતા દેખાઈ રહ્યાં છે.
આયુષ્માનની આ ફિલ્મનું ટ્રેલર રિલીઝ થતાં સોશિયલ મીડિયા પર છવાઇ ગયું હતું. આ ફિલ્મમાં આયુષ્માન એકવાર ફરી ઓફબીટ રોલની સાથે જોવા મળી રહ્યો છે. આયુષ્માન સિવાય ફિલ્મમાં અન્નૂ કપૂર, વિજય રાજ, મનજોત સિંહ, નિધી બિષ્ટ, રાજેશ શર્મા, અભિષેક બેનર્જી અને રાજ સંભાળી જોવા મળી રહ્યાં છે. ફિલ્મ 13 સપ્ટેમ્બરે રિલીઝ થઈ રહી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે