#MeTooની ઝપેટમાં આવ્યા બોલિવુડના મહાનાયક અમિતાભ બચ્ચન, સપના ભાવનાનીએ કર્યા ટાર્ગેટ

અમિતાભ બચ્ચન પર નિશાન સાધ્યું
હાલમાં જ, પોતાના જન્મદિવસ પર અમિતાભ બચ્ચને એક ઈન્ટરવ્યૂ આપ્યો હતો, જેમાં તેમણે #MeToo પર પ્રતિક્રિયા આપીને આ અભિયાનને સપોર્ટ કર્ય હતો અને મહિલાઓની સુરક્ષા પર અનેક વાતો કહી હતી. તેમણે કહ્યું હતું કે, કોઈ પણ મહિલાને આવી કોઈ પણ ઘટના કે અભદ્ર વ્યવહારનો શિકાર ન થવું જોઈએ. ખાસ કરીને વ્યવસાયના સ્થળે. આ પ્રકારની હરકતોની તરત વ્યવસાયના સ્થળ પરના અધિકારીઓને ધ્યાનમાં લાવવી જોઈએ. તેમના પર તરત કાર્યવાહી થવી જોઈએ. આ ઈન્ટરવ્યૂને અમિતાભ બચ્ચને પોતાના ફેસબુક એકાઉન્ટ પર પણ શેર કર્યો હતો. 

અમિતાભ બચ્ચનની આ પોસ્ટને એક ટ્વિટર યુઝરે ટ્વિટ કરી છે અને તેણે પોતાની ટ્વિટમાં લખ્યું છે કે, અમિતાભ બચ્ચને #MeTooને સપોર્ટ કર્યો છે. તેના બાદ સપનાએ એ જ ટ્વિટને રિટ્વિટ કરતા લખ્યું કે, આ એક સૌથી મોટું ખોટું છે. સર, ફિલ્મ પિંક આવી અને ગઈ અને હવે તમારી એક્ટિવિસ્ટવાળી ઈમેજ જલ્દી જ જતી રહેશે. તમારુ સત્ય જલ્દી જ બધાની સામે આવશે. આશા છે કે, તમે તમારો હાથ જ ચાવી નાંખશો, કેમ કે માત્ર નખ ચાવવા જ તમારા માટે પૂરતુ નહિ હોય.

સપનાએ આ સાથે જ એક વધુ ટ્વિટ કરતા લખ્યું કે, ‘મેં પર્સનલી અમિતાભ બચ્ચન વિશે સેક્સ્યુઅલી મિસકંડક્ટને લઈને અનેક વાતો સાંભળી છે. મને આશા છે કે, તે મહિલાઓ પણ બહાર આવશે. જોકે, અત્યાર સુધી સપનાની આ ટ્વિટ્સ પર અમિતાભ બચ્ચનનું કોઈ પણ રિએક્શન સામે આવ્યું નથી. 

ઉલ્લેખનીય છે કે, અમિતાભ બચ્ચન હાલ પોતાની આગામી ફિલ્મ ‘ઠગ્સ ઓફ હિન્દુસ્તાન’ને લઈને વ્યવસ્ત છે. આ ફિલ્મમાં તેમની સાથે બોલિવુડ એક્ટર આમિર ખાન, એક્ટ્રેસ કૈટરીના કેફ અને ફાતિમા સના શેખ છે.