)
નવી દિલ્હી: 'ઈનક્રેડિબલ્સ 2'ની હિંદી આવૃત્તિના ડબિંગનો ભાગ બનેલી અભિનેત્રી કાજોલે કહ્યું કે તે હોલિવૂડની ફિલ્મોમાં કામ કરવા માટે તૈયાર છે. કાજોલે આઈએએનએસને જણાવ્યું કે હું હોલિવૂડ ફિલ્મમાં કામ કરવાનું પસંદ કરીશ. કોઈ વિશેષ શૈલી ધ્યાનમાં નથી અને મને પટકથા આકર્ષિત કરે છે કે નહીં તેના ઉપર તે નિર્ભર છે.
બે બાળકોની માતા કાજોલે કહ્યું કે હું (હોલિવૂડ ફિલ્મ કરતા પહેલા) એ જ સવાલ કરીશ જે હિંદી ફિલ્મોની પસંદગી કરતા પહેલા કરું છું. કાજોલે કહ્યું કે તે પહેલેથી ખુબ ઉત્સાહિત છે. અત્રે જણાવવાનું કે કાજોલ છેલ્લે ધનુષ સાથે ફિલ્મ 'વીઆઈપી 2'માં જોવા મળી હતી. ધનુષના કહેવા પર તેણે આ ફિલ્મ સાઈન કરી હતી. ત્યારબાદ તે હવે હોલિવૂ઼ડ એનિમેશન ફિલ્મ 'ઈનક્રેડિબલ્સ 2'માં ડબિંગમાં જોવા મળશે. જો કે હવે તે પ્રિયંકા ચોપરા અને દીપિકા પાદૂકોણની જેમ હોલિવૂડ ફિલ્મોમાં કામ કરવા માંગે છે.
અત્રે જણાવવાનું કે દીપિકાએ ફિલ્મ 'ટ્રિપલ એક્સ રિટર્ન ઓફ જેન્ડર કેજ'થી હોલિવૂડમાં ડેબ્યુ કર્યુ હતું. જ્યારે પ્રિયંકાએ હોલિવૂડ શો 'ક્વાન્ટિકો'થી હોલિવૂડમાં એન્ટ્રી કરી હતી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
