)
નવી દિલ્હીઃ આજે બોલીવુડ અભિનેતા રાજકુમાર રાવનો જન્મદિવસ છે. રાજકુમાર આજે પોતાનો 35મો જન્મદિવસ ઉજવી રહ્યો છે. શરૂઆતમાં મહેનત અને સ્ટ્રગલનો સામનો કર્યા બાદ આ મુકામ પર પહોંચનાર રાજકુમાર રાવ બોલીવુડમાં બધાનો પસંદગીનો અભિનેતા છે. તેથી તેના જન્મદિવસ પર આજે દરેક તેને જન્મદિવસની શુભેચ્છા આપી રહ્યાં છે અને તેના ટેલેન્ટની પ્રશંસા કરી રહ્યાં છે. જોઈએ રાજકુમાર રાવને કોણે-કોણે જન્મદિવસની શુભેચ્છા આપી છે.
ફિલ્મ બરેલીની બરફી કો-સ્ટાર આયુષ્માન ખુરાનાએ ટ્વીટર પર લખ્યું, 'જન્મદિવસની શુભેચ્છા રાજકુમાર રાવ!'
Happy bday @RajkummarRao bro!
Lots of love and happiness! 🎂🤗— Ayushmann Khurrana (@ayushmannk) August 31, 2019
તેની ગર્લફ્રેન્ડ પત્રલેખાએ પણ ઇન્સ્ટાગ્રામ પર એક સુંદર પોસ્ટ લખીને રાજકુમાર રાવને જન્મદિવસની શુભેચ્છા આપી છે. સાથે તેણે રાજકુમારની એક તસવીર પોસ્ટ કરતા લખ્યું, 'જન્મદિવસ મુબારક, મારા સૌથી કિંમતી, મેરે પ્યારે રાજકુમાર રાવ. મારી ભાવનાઓને શબ્દોમાં કહેવી ખુબ મુશ્કેલ છે, વિશેષ કરીને આ પ્રકારના પ્લેટફોર્મ પર. હું તમારા માટે બીજુ કંઇ ઈચ્છતી નથી, પરંતુ તમારી જિંગદી શાંતિ, સમૃદ્ધિ, શીખ અને પ્રગતિથી ભરી રહે.'
તો એકતા કપૂરે પણ ટ્વીટર પર કહ્યું, 'હેપ્પી બર્થ ડે રાજ.. તું મારા માટે હંમેશાથી ખાસ છે. તું દુવાઓમાં છે. તને તે બધુ મળે, જે તું ઈચ્છે છે. તું મહેનતી છે અને હકદાર પણ.'
Happie bday raaaj! Ur always going to b special to me! Ur in my duaas ! May u get all u want ! Ur hardworking n deserving ! @RajkummarRao pic.twitter.com/kbOiFw97Mw
— Ekta Kapoor (@ektaravikapoor) August 31, 2019
ફરાહ ખાને પણ રાજકુમારની સાથે તે સમયનો ફની ફોટો શેર કર્યો છે, જે સમયે રાજકુમાર રાવને પગમાં ફેક્ચર થઈ ગયું હતું અને તે હોસ્પિટલમાં દાખલ હતો. સાથે ફરાહ ખાને કહ્યું, ફ્રેક્ચરમાં મારા ક્રેઝી પાર્ટનર અને મારા મિત્ર રાજકુમાર રાવને જન્મદિવસની શુભેચ્છા. તમારી સફળતા તમારા ટેલેન્ટથી વધુ હોય, જે ઘણું બધુ કહે છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
