270 માંથી 180 ફિલ્મો ફ્લોપ છતાં કહેવાયો સુપરસ્ટાર! દાયકાઓ સુધી ના થયો વાળ વાંકો

દેશમાં સૌથી વધુ ફ્લોપ ફિલ્મો આપનાર અભિનેતા કોણ છે?
આપણે એવા બોલિવૂડ સુપરસ્ટાર્સને વિશે વાત કરી રહ્યાં છીએ જેમણે પોતાના કરિયરમાં 180 ફ્લોપ ફિલ્મો આપી. એક સમયે બેક ટુ બેક 33 ફિલ્મો જોરદાર ફ્લોપ રહી હતી પરંતુ તેમ છતાં તેને સુપરસ્ટારનો ખિતાબ મળ્યો હતો. આ બીજું કોઈ નહીં પણ ગૌરાંગ ચક્રવર્તી છે. જો તમે તેમને ઓળખ્યા નથી તો ચાલો તેમની કહાની તમને જણાવીએ...

આજ સુધી કોઈ નથી તોડી શક્યું આ હીરોનો રેકોર્ડ-
ગૌરાંગ નામના આ હીરોને તમે મિથુન ચક્રવર્તી તરીકે ઓળખો છો. આ સુપરસ્ટાર બોલિવૂડમાં 5 દાયકા કરતા વધુ સમયથી ચમકે છે. બંગાળી ફિલ્મોમાં પણ કામ કર્યું છે. આજે તેઓ એક સફળ રાજકારણી પણ છે જેમનું નામ લિમ્કા બુક ઓફ રેકોર્ડ્સમાં પણ નોંધાયેલું છે. મિથુન ચક્રવર્તી એકમાત્ર એવો હીરો છે જેણે વર્ષ 1989માં હીરો તરીકે એક જ વર્ષમાં 19 ફિલ્મો કરી હતી અને આજ સુધી બોલિવૂડમાં તેનો રેકોર્ડ કોઈ તોડી શક્યું નથી.

મિથુન ચક્રવર્તીને નેશનલ એવોર્ડ મળ્યો હતો-
મિથુન ચક્રવર્તીએ મૃણાલ સેનની ફિલ્મ 'મૃગયા'થી પોતાના કરિયરની શરૂઆત કરી હતી. તેને તેની પહેલી જ ફિલ્મ માટે નેશનલ એવોર્ડ મળ્યો હતો અને ત્યારબાદ તેણે ફિલ્મ 'ડિસ્કો' દ્વારા બોલિવૂડમાં પોતાનું સ્થાન મજબૂત કર્યું હતું. આજે પણ આ ફિલ્મ તેમના કરિયરની યાદગાર ફિલ્મ માનવામાં આવે છે.

મિથુન ચક્રવર્તી જેણે 180 ફ્લોપ ફિલ્મો આપી-
પરંતુ મિથુન ચક્રવર્તીની કારકિર્દીમાં એક સમય એવો આવ્યો જ્યારે તેણે ફ્લોપ ફિલ્મોનો સામનો કરવો પડ્યો. 'ટાઈમ્સ ઓફ ઈન્ડિયા'ના અહેવાલ અનુસાર, તેમના ખાતામાં સૌથી વધુ ફ્લોપ ફિલ્મો આપવાનો રેકોર્ડ સામેલ છે. તેણે 279માંથી 180 ફ્લોપ ફિલ્મો આપી છે.

33 ફિલ્મો બેક ટુ બેક ફ્લોપ રહી હતી-
80-90ના દાયકામાં મિથુન ચક્રવર્તીનું કરિયર ચરમસીમા પર હતું. તેણે એક વર્ષમાં ઘણી ફિલ્મો કરી. 90ના દાયકામાં મિથુન ચક્રવર્તીએ 33 ફિલ્મો બેક ટુ બેક ફ્લોપ આપી હતી. મિથુન ચક્રવર્તી સિવાય 101 ફ્લોપ ફિલ્મો આપવાનો રેકોર્ડ પણ જીતેન્દ્રના નામે નોંધાયેલો છે.

હજુ પણ સુપરસ્ટાર કહેવાય છે-
પરંતુ નોંધનીય બાબત એ છે કે મિથુન ચક્રવર્તીએ તેની કારકિર્દીમાં ગમે તેટલા ઉતાર-ચઢાવ જોયા હોય, પરંતુ તેના સ્ટારડમને કોઈ ઘટાડી શક્યું નથી. કારણ કે તેની કારકિર્દીમાં 50 હિટ ફિલ્મોનો સમાવેશ થાય છે, જેમાંથી 9 બ્લોકબસ્ટર અને 9 સુપરહિટ રહી છે. જ્યારે 7 સરેરાશથી ઉપર રહ્યા છે. અહીં ખાસ વાત એ છે કે મિથુને ઘણી નાના બજેટની ફિલ્મો પણ કરી હતી.

મિથુન ચક્રવર્તીની મિલકત-
પ્રોપર્ટીની વાત કરીએ તો મિથન ચક્રવર્તી 101 કરોડ રૂપિયાના માલિક છે. ચૂંટણી એફિડેવિટ મુજબ તેમની પાસે 101 કરોડ રૂપિયાની સંપત્તિ છે. તેની પાસે મર્સિડીઝ, ઈનોવા, મર્સિડીઝ બેન્ચ ઈ ક્લાસ, ફોર્ચ્યુનર, ફોક્સવેગન સહિત ઘણી કાર છે.