એક ફિલ્મ ડિરેક્ટર સાથે મળીને શાહરૂખે કેમ કલાકો સુધી અર્જુન રામપાલને બાથરૂમમાં પુરી રાખ્યો હતો? જાણો કિસ્સો

સોશિયલ મીડિયા પર ફરાહ ખાનનો એક વીડિયો વાયરલ થઈ રહ્યો છે. જેમા તે જણાવી રહી છે કે તેઓએ અર્જુન રામપાલને કેવી રીતે વિલેન તરીકે પસંદ કર્યો. ફરાહે જણાવ્યુ કે આ પાત્ર માટે એક સ્ટાર જોઈતો હતો પરંતુ બધા જ સ્ટાર્સે ના પાડી હતી. અને અમારી પાસે માત્ર એક અઠવાડિયાનો સમય હતો. ત્યારે જ અમારી નજર પાર્ટીમાં અર્જુન રામપાલ પર પડી. અને અમે તે જ વખતે નક્કી કર્યું કે અર્જુન જ ફિલ્મમાં વિલેન હશે.  

ફરાહે જણાવ્યું કે તેઓએ અને શાહરૂખે કલાકો સુધી કિંગ ખાનના બાથરૂમમાં અર્જુનને પુરી દીધો હતો. અને બાથરૂમમાં બંધ કરીને તેમણે અર્જુન રામપાલને ફિલ્મની સ્ટોરી સંભળાવી હતી અને પછી તે માન્યા હતા. પરંતુ ઘરે પહોંચતા જ અર્જુને ના પાડી દિધી હતી. કારણ કે તે તેવા પાત્રને ફિલ્મમાં જોવા નહોતા માગતા જે એક યુવતીને સળગાવી રહ્યો છે અને હેરાન કરે છે. જોકે, બાદમાં સમજાવટ અને પતાવટ કરીને આખરે અર્જુનને જ આ ફિલ્મમાં વિલનનો રોલ આપવામાં આવ્યો અને તે માની પણ ગયો.