Ishita Dutta Baby: અજય દેવગનની ઓનસ્ક્રીન દીકરી બની માતા, ઈશિતા દત્તાએ આપ્યો દીકરાને જન્મ

મીડિયા રીપોર્ટ અનુસાર ઈશિતા દત્તાએ એક પુત્રને જન્મ આપ્યો છે. બાળકના આગમનથી તેનો પરિવાર ખૂબ જ ખુશ છે. ઈશિતાને 48 કલાક સુધી હોસ્પિટલમાં રાખવામાં આવશે ત્યારબાદ તેને હોસ્પિટલમાંથી રજા આપવામાં આવશે. જો કે આ અંગે હજુ સુધી ઈશિતા કે વત્સલ તરફથી કોઈ સત્તાવાર જાણકારી સામે આવી નથી.

ઇશિતા દત્તા સતત સોશિયલ મીડિયા પર એક્ટિવ હતી. ઈશિતા દત્તાના લગ્ન વર્ષ 2017માં થયા હતા. અભિનેત્રી લગ્નના 6 વર્ષ પછી માતા બની છે. ઈશિતા અને વત્સલ શેઠે મુંબઈના જુહુ સ્થિત ઈસ્કોન મંદિરમાં ગુપચુપ લગ્ન કર્યા હતા. આ બંને સ્ટાર્સ ટીવી શોના સેટ પર મળ્યા હતા. શૂટિંગ દરમિયાન જ તેઓ એકબીજાની નજીક આવ્યા અને પછી લગ્ન કરી લીધા.