ભારત પાછો આવવા માગે છે ભાગેડુ માલ્યા, બેંકની લોન ચૂકવવા પણ તૈયાર, આ છે પ્લાન

બેંકોને અબજો રુપિયામાં નવડાવીને લંડનમાં જલસા કરી રહેલા એક સમયના લિકર કિંગ વિજય માલ્યાએ વડાપ્રધાન નરેન્દ્ર મોદીને પત્ર લખીને પોતાનો બળાપો કાઢ્યો કર્યો છે. કૌભાંડી માલ્યાએ લખ્યું છે કે, તે બેંકોની બાકી નીકળતી રકમની ચુકવણી કરવા પૂરી કોશિશ કરી રહ્યો છે. પણ બેંકોને ચૂનો લગાવનારા ‘પોસ્ટર બોય’ તરીકે તેને રજૂ કરવામાં આવી રહ્યો છે. અને મારું નામ આવતા જ લોકોનો ગુસ્સો ભડકી ઉઠે છે. વિજય માલ્યા હાલમાં લંડનમાં છે. તેણે કહ્યું છે કે, મેં વડાપ્રધાન નરેન્દ્ર મોદી અને નાણાં પ્રધાન બંનેને 15મી એપ્રિલ 2016ના રોજ પત્ર લખ્યો હતો. અને હવે હું ચીજોને યોગ્ય સંદર્ભમાં રજૂ કરવા માટે આ પત્રોને સાર્વજનિક કરી રહ્યો છું. માલ્યાએ કહ્યું કે પીએમ કે નાણાં મંત્રી બંનેમાંથી કોઈએ તેનો જવાબ ન આપ્યો. 

એરફોર્સનું સુખોઈ જેટ મહારાષ્ટ્રના નાસિકમાં ક્રેશ, બે પાઇલોટ્સનો આબાદ બચાવ

Some people have been asking why I chose to make a statement at this time. I have made my statement because UBHL and myself have filed an application before the Hon’ble Karnataka High Court on June 22, 2018, setting out available assets of approximately Rs. 13,900 crores ...1/3

— Vijay Mallya (@TheVijayMallya) June 27, 2018

વિજય માલ્યાએ કહ્યું છે કે રાજનેતાઓ અને મીડિયા મારી પર એવી રીતે આરોપ લગાવી રહ્યા છે જાણે કિંગફિશર એરલાઇન્સને આપવામાં આવેલી 9 હજાર કરોડ રૂ.ની લોન મેં ચોરી લીધી હોય અને હું ભાગી ગયો હોઉં. વિજય માલ્યાએ આ મામલામાં સીબીઆઇ તેમજ એન્ફોર્સમેન્ટ ડિરેક્ટોરેટ તરફથી તેની વિરૂદ્ધ દાખલ કરવામાં આવેલા આરોપપત્રોને આધારહીન અને ખોટા આરોપોની કાર્યવાહી ગણાવ્યા છે. વિજય માલ્યાએ કહ્યું છે કે ઇડીએ મની લોન્ડ્રિંગ એક્ટ અંતર્ગત મારી અને મારા પરિવારની સંપત્તિ જપ્ત કરી લીધી છે જેનું મૂલ્ય લગભગ 13,900 કરોડ રૂ. છે. માલ્યાએ આ સંપત્તિ વેચવાની પરવાનગી આપવા માટે કર્ણાટક હાઇકોર્ટમાં 22 જને અરજી આપી છે. આ સંપત્તિ વેચીને વિજય માલ્યા તમામ લોન ચૂકવી દેવાનું પ્લાનિંગ કરી રહ્યો છે.

We have requested the Courts permission to allow us to sell these assets under judicial supervision and repay creditors, including the Public Sector Banks such amounts as may be directed and determined by the Court. If the criminal agencies such as ED or CBI object ... 2/3

— Vijay Mallya (@TheVijayMallya) June 27, 2018

... to the sale of assets, it will clearly demonstrate that there is an agenda against me “the Poster Boy” beyond recovery of dues. I continue to make every effort, in good faith to settle with the banks. If politically motivated factors interfere, there is nothing I can do...3/3

— Vijay Mallya (@TheVijayMallya) June 27, 2018

ઉલ્લેખનીય છે કે, ભારતીય બેન્કોના નાણાં ચૂકવ્યા વગર બ્રિટન ભાગી ગયા પછી માલ્યા પર ભારત અને બ્રિટનમાં છેતરપિંડી અને મની લોન્ડરિંગના ઘણા કેસ ચાલી રહ્યા છે. બ્રિટનની કોર્ટમાં ભારત સરકાર દ્વારા હાલ માલ્યાના પ્રત્યાર્પણનો કેસ ચાલી રહ્યો છે.

બિઝનેસ જગતના સમાચાર જાણવા કરો ક્લિક...