Income Tax ની માથાકૂટમાંથી પગારદારોને મળશે મોટી છૂટ! આ વખતે જે કીધું હતું એ જરૂર કરશે PM મોદી

નવી સરકારમાં મળશે નવું નજરાણું?

નાણામંત્રી નિર્મલા સીતારમણે બજેટને લઈને જાહેર વિચાર-વિમર્શ શરૂ કર્યો છે. અંતિમ નિર્ણય લેવામાં આવે તે પહેલાં આ આંતરિક મૂલ્યાંકનોની અન્ય સરકારી શાખાઓ અને વડા પ્રધાન કાર્યાલય સાથે સમીક્ષા કરવામાં આવશે. દેશમાં સરકારે નવી રાહત કર વ્યવસ્થા હેઠળ માનક કપાતને એટલેકે, Standard Deduction બમણું કરીને રૂ. 1 લાખ કરવું જોઈએ અથવા આગામી બજેટમાં મૂળભૂત કર મુક્તિ મર્યાદા વધારીને રૂ. 3.5 લાખ કરવી જોઈએ એવી હાલ અપેક્ષાઓ સેવાઈ રહી છે. ટેક્સ અને કન્સલ્ટિંગ કંપની EYએ આ અભિપ્રાય વ્યક્ત કર્યો છે. સરકાર બજેટ 2024માં, પગારદાર વ્યક્તિઓ માટે સ્ટાન્ડર્ડ ડિડક્શન લિમિટ વધારીને હવે રુ. 1 લાખ કરી શકે છે...જાણો વિગતે..

નવી સરકાર સમક્ષ નીતિને વધુ આકર્ષક બનાવવા માટે, રાહત કર વ્યવસ્થા હેઠળ પ્રમાણભૂત કપાત વર્તમાન રૂ. 50,000 થી વધારીને રૂ. 1 લાખ કરી શકાય છે અથવા કર મુક્તિ મર્યાદા રૂ. 3 લાખથી વધારીને રૂ. 3.5 લાખ કરી શકાય છે. આગામી બજેટમાં કરવેરા સુધારણા માટેની પ્રાથમિકતાઓ પર પ્રકાશ પાડતા, EYએ કહ્યું છે કે, સરકારે કર માળખાને હવે સુવ્યવસ્થિત કરવા, આર્થિક વિકાસને પ્રોત્સાહન આપવા માટે નીતિ માળખામાં સુધારો કરવા અને રોકાણ અને વૃદ્ધિ માટે સક્ષમ વાતાવરણને પ્રોત્સાહન આપવા માટે આ બદલાવ કરી શકે છે. ગયા વર્ષે બજેટમાં, નાણાપ્રધાને નવા શાસન હેઠળ પગારદાર કરદાતાઓ અને પેન્શનરો માટે રૂ. 50,000ના પ્રમાણભૂત કપાતની દરખાસ્ત કરી હતી.આ સિવાય 7 લાખ રૂપિયા સુધીની કરપાત્ર આવક માટે કલમ 87A હેઠળ છૂટ વધારવામાં આવી હતી. નવા શાસન હેઠળ સૌથી વધુ સરચાર્જ પણ દૂર કરવામાં આવ્યો છે.

અગાઉના બજેટમાંઃ
પગારદાર વ્યક્તિઓને મેડિકલ અને ટ્રાન્સપોર્ટ ખર્ચને પહોંચી વળવામાં મદદ કરવા માટે, સ્ટાન્ડર્ડ ડિડક્શન મર્યાદા શરૂઆતમાં 40,000 રૂપિયા રાખવામાં આવી હતી. પગારદાર વ્યક્તિઓને મેડિકલ અને ટ્રાન્સપોર્ટ ખર્ચને પહોંચી વળવામાં મદદ કરવા માટે, સ્ટાન્ડર્ડ ડિડક્શન મર્યાદા શરૂઆતમાં 40,000 રૂપિયા રાખવામાં આવી હતી અને 2019માં વધારીને 50,000 રૂપિયા કરવામાં આવી હતી. વર્તમાન જીવન ખર્ચ અને ફુગાવાને ધ્યાનમાં લેતા, આ મર્યાદા પર્યાપ્ત ગણવામાં આવતી નથી. એવી ધારણા છે કે તેને વધારીને ઓછામાં ઓછા 1 લાખ રૂપિયા કરી શકાય છે.

નવી સરકાર સમક્ષ નીતિની પ્રાથમિકતાઓની યાદી આપતા, EYએ કહ્યું કે તેને વધુ આકર્ષક બનાવવા માટે, રાહત કર વ્યવસ્થા હેઠળ પ્રમાણભૂત કપાત વર્તમાન રૂ. 50,000 થી વધારીને રૂ. 1 લાખ કરી શકાય છે અથવા રૂ. 3 લાખથી વધારીને રૂ. 3.5 લાખ કરી શકાય છે. EYએ જણાવ્યું હતું કે સરકારે ટેક્નોલોજી અને ડેટા આધારિત કર અનુપાલન પ્રક્રિયાઓને સુધારવા માટે ઘણા આવકાર્ય પગલાં લીધા છે. આમાં પહેલાથી ભરેલા રિટર્ન, વાર્ષિક માહિતી સ્ટેટમેન્ટ, ટેક્સ પેમેન્ટની સરળતા, રિટર્ન અને રિફંડની ઝડપી પ્રક્રિયા વગેરેનો સમાવેશ થાય છે. આનાથી સ્વૈચ્છિક કર અનુપાલનની સ્થિતિમાં સુધારો થયો છે.